سرگودھا ینگ ڈاکٹر کی ہڑتال سے بلیک میل ہو کر دی گئی جھوٹی ایف آئی آر فوری خارج کی جائے ۔محمد ایوب انصاری

لیہ(صبح پا کستان )صوبائی نائب صدر پیرامیڈیکل سٹاف ایسوسی ایشن پنجاب محمد ایوب انصاری و دیگر عہدیداران نے پریس کانفرنس سے خطاب کرتے ہوئے کہا کہ سرگودھا ہسپتال کے ینگ ڈاکٹرز کی کرپشن،بجلی چوری و دیگر مسائل کی نشاندہی کرنے پر پیرامیڈیکل سٹاف اورینگ ڈاکٹر کے درمیان تنازعہ پر صوبائی صدر ملک محمد یوسف اعوان و دیگر پیرامیڈیکس اور سینئر ڈاکٹرز کے خلاف ینگ ڈاکٹرز کی طرف سے کرائی گئی ایف آئی آر کی بھر مذمت کرتے ہیں اور سیکرٹری صحت حکومت پنجاب ،ڈائریکٹر جنرل ہیلتھ سروسز پنجاب سے مطالبہ کرتے ہیں کہ سرگودھا ہسپتال میں کیا جانے والے تنازعہ کی انکوائری کرائی جائے،,انہوں نے کہا کہ ہسپتال کے ایمرجنسی وارڈ سے ینگ ڈاکٹرز کی رہائش گاہوں تک بجلی چوری کی جا رہی ہے جس کی نشاندہی پیرامیڈیکس نے کی انہوں نے کہا کہ ڈسٹرکٹ ہیڈ کوارٹر ہسپتال سرگودھامیں عوام کو بہتر طبی سہولیات دینے کیلئے پی ایم اے،سینئر ڈاکٹرز اور پیرامیڈکس نے ورکنگ کوارڈینیشن کمیٹی بنائی جس کو ینگ ڈاکٹرز نے اپنے خلاف اتحاد سمجھا یہ کوارڈینیش کمیٹی کسی کے خلاف نہیں بلکہ حکومت پنجاب کے ویژن کو پایہ تکمیل پہنچانے کیلئے بنائی گئی ہے کہ عوام کو بہتر سے بہتر طبی سہولیات بہم پہنچائی جائیں،انہوں نے بتایا کہ صوبہ بھر میں آج سے علامتی ہڑتال کی ہے ضلع لیہ کی سطح پر پیرا میڈیکس زہریلی مٹھائی کھانے سے ہونے والے سانحہ کی وجہ ہڑتال نہیں کی جائے گی ضلع لیہ میں پیرامیڈیکس صرف سیاہ پٹیاں باندھ کر علامتی ہڑتال کریں گے انہوں نے کہا کہ سرگودھا میں صوبائی صدر ملک محمد یوسف اعوان سمیت سینئر ڈاکٹرز اور پیرا میڈیکس کے 28افراد پر جھوٹی ایف آئی درج کرائی گئی ہمارا مطالبہ ہے کہ ینگ ڈاکٹر کی ہڑتال سے بلیک میل ہو کر دی گئی جھوٹی ایف آئی آر فوری خارج کی جائے اگر ایسا نہ کیا گیا تو آج لاہور میں ہونے والے پیرامیڈیکس کے اجلاس میں آئندہ کا لائحہ عمل کا اعلان کیا جائے گا۔اس موقع پر احسان اللہ سنی صدر ڈی ایچ کیو ہسپتال،شفیق خان چانڈیہ جنرل سیکرٹری ڈی ایچ کیو،ضلعی جنرل سیکرٹری عباس ہاشمی اور محمداقبال،سعید اللہ،شیخ فیروز،اکرم جوتہ،ظفر اقبال سپرا،محمد سلیم و دیگر موجود تھے۔