لیہ(صبح پا کستان)محکمہ لائیوسٹاک ضلع لیہ فیلڈ سٹاف سے ماہانہ 4لاکھ 20ہزار موٹر سائیکل قسط کی مد میں بغیر رسید و ریکارڈ وصول کرنے لگا،محکمہ لائیو سٹاک پنجاب نے دیہاتی و شہری عوام کے جانوروں کے فوری علاج معالجہ کیلئے ضلع لیہ کے 175فیلڈ ملازمین کو موٹر سائیکل سرکاری نمبروں کے ساتھ رجسٹریشن کرا کر 8ماہ قبل دیئے ،گذشتہ روز ڈسٹرکٹ آفیسر لائیو سٹاک کے دفتر سے فیلڈ سٹاف کو 24سو روپے ماہانہ ادا کرنے کا زبانی حکم نامہ دیا گیا ،فیلڈ سٹاف نے دفتر میں 24سو روپے جمع کرانے پر رقم کی رسید اور جمع کرانے کیلئے بنک اکاؤنٹ نمبر مانگے جس پر انہیں رقم اکاؤنٹنٹ کو جمع کرانے کا حکم دے دیا گیا رقم کے بدلے محکمہ کی طرف سے اہلکاروں کو کسی قسم کی کوئی رسید نہ دی گئی اس بارے ڈپٹی ڈسٹرکٹ آفیسر لائیو سٹاک ڈاکٹر تنویر نے نمائندہ سے گفتگو کرتے ہوئے کہا کہ رسید ابھی تک نہیں دی گئی لیکن رسید دینے کا طریقہ کار بنایا جا رہا ہے انہوں نے کہا کہ ایک لاکھ روپے کا موٹر سائیکل فیلڈ سٹاف کے پاس موجود ہے ضلع لیہ کے ملازمین کو دیئے گئے موٹر سائیکلوں کی مکمل رقم موٹر سائیکل کمپنی حکومت پنجاب نے ادا کردی ہے جس کو وصولی ملازم سے ماہانہ قسط 2390روپے وصول کی جا رہی ہے جس کا رجسٹر پر اندراج کیا جا رہا ہے اور یہ وصولی حکومت پنجاب کی ہدایات کے مطابق وصول کی جا رہی ہے وصول کی جانے والی رقم کہاں جمع کرائی جائے گی اس بارے ڈپٹی ڈسٹرکٹ آفیسر جواب نہ دے سکے ۔ رپورٹ ۔ عبد الرحمن فریدی پریس رپورٹر