چوک اعظم {صبح پا کستان } ڈسٹرکٹ فوڈ کنٹرولر سعادت نوازخان لیہ کی مدعیت میں الحیات فلور ملز کے مالک صدر غلہ منڈی چوہدری آفتاب اقبال سمیت 3 نامزد اور 70 نامعلوم افراد کے خلاف تھانہ چوبارہ میں مقدمہ کا اندراج ۔فلور ملز ایسوسی ایشن نے ضلع اور ڈویژن بھر میں ہڑتال کی دھمکی دے دی ۔ایف آئی آر نمبر 355 کے مطابق ڈائریکٹوریٹ جنرل آف فوڈ پنجاب لاہور کی ٹیم مظہر حسین اے ڈی فوڈ ،عمیر صغیر ڈی ڈی فوڈ گجرات ڈویژن اپنی ٹیم کے ہمراہ ریکارڈ اور گندم کا سٹاک چیک کرنے کے لیے جب الحیات فلور ملز پہنچے تو گیٹ بند تھا ۔تو ملزمان نے اپنے ہمراہ مسلح افراد کے ساتھ ٹیم ممبران کو ہراساں کرتے ہو ءے ٹیم کی گاڑیوں کے آگے پیچھے اپنی گاڑیاں کھڑی کر لیں ۔اور کار سرکار میں مداخلت کی ۔ایف آئی آر میں الزام عائد کیا گیا ہے کہ ان سب کی قیادت نامزد ملزمان کر رہے تھے فلور مل مالکان کے خلاف پرچے کے اندارج اور محکمہ خوراک کی ٹیم کی کاروائئ کے خلاف فلور ملز ایسوسی ایشن کے عہدیداران نے پریس کانفرنس کرتے ہوءے محکمہ فوڈ لیہ کے افسران پر جبراً گندم اُٹھانے کاالزام عاءد کرتے ہوءے احتجاجاً فلور ملز بند کرنے اورآٹے کی سپلاءی کی ہڑتال کرنے کااعلان کیاہے ، عہدیدارچوہدری محمدعرفان ، شیخ عمران ، سیٹھ محمداسلم ، امیر عبداللہ سامٹیہ ، شیخ ظہورحسین ودیگر نے پریس کانفرنس کے دوران کہاکہ ڈی جی فوڈ کیساتھ فلورملز کے پاس سٹاک کوٹے کا سات فیصد ایگریکیٹرز کو دینے کامعاہدہ طے پایاتھا، 15سے 16فیصد گندم فراہم کرچکے اس کے باوجود جبراً فلور ملز میں گھس کر گندم اُٹھالی جاتی ہے جوکہ نہ صرف ایس اوپیز کی خلاف ورزی اور کاروباری ظلم وجبر کے مترادف ہے ، انکا کہناتھا کہ خریدی گءی گندم آٹے کی پساءی کیلءے را میٹریل کادرجہ رکھتی ہے جس کا سٹاک ایس او پیز کے تحت پورٹل پر اپ لوڈڈ ہے ، عہدیداران نے اعلان کیاکہ کل سے ڈی جی خان کے اضلاع راجن پور ، کوٹ ادوودیگرعلاقوں میں بھی فلور ملز ہڑتال پر چلی جاءینگی ، مرکزی قیادت کو بھی محکمہ فوڈ کے بے رحمانہ سلوک سے آگاہ کردیاگیاہے ، مطالبات پورے نہ ہوءے تو احتجاج کاداءرہ وسیع کرینگے ، عہدیداران نے بتایا کہ ڈی جی فوڈ کی جانب سے مقدمات درج کرادینے ، دوکروڑ روپے جرمانہ کرنے اور فوڈ گرین لاءسنس منسوخ کرنیکی دھمکیاں دی جارہی ہیں ، لاثانی فلور ملز سے گزشتہ روز جبراً پانچ ہزار بوری اٹھالی گءی ، اس ضمن میں ہاءیکورٹ کی جانب سے حکم امتناعی بھی جاری شدہ ہے جسے ڈی ایف سی لیہ سعادت نواز اور ڈی جی فوڈ کی جانب سے بھیجی گءی چھاپہ مار ٹیم نے نہ صرف نظرانداز کیابلکہ پھاڑ ڈالا، انہوں نے بتایا کہ الحیات فلور ملز پر بھی دن بھرہنگامہ رہا ، غیرقانونی طور پر گندم جبراً اٹھانے کی کوشش کی گءی جس پر اب مقدمات کے اندراج کی کارواءیاں کی جارہی ہیں ، عہدیداران کا کہناتھا کہ جس کی لاٹھی اس کی بھینس کافارمولا لاگو کیاگیاہے ، پہلے کسانوں پر ظلم کیاگیا اب فلور انڈسٹری کو نشانہ بنایاجارہاہے ، حکام ناقص پالیسیوں کی بدولت کاروبار برباد کرنے پر تلے ہیں ، گندم کی مزید فراہمی کے مطالبے کو برداشت نہیں کرسکتے ، تمام فلور ملز اپنے حصے کی گندم فراہم کرچکے ، اگر یہ ظلم بندنہ کیاگیا تو ہڑتال کاسلسلہ جاری رہے گا اور آٹے کی سپلاءی نہیں کی جاءے گی