Tag: layah news

وزیراعلیٰ پنجاب میاں محمد شہباز شریف نے یوم عاشور پر فول پروف سیکیورٹی پر فورسز کی کارکردگی کو سراہا اور ان کو خراج تحسین پیش کیا۔

میڈ یا ذرائع کے مطابق شہباز شریف کا کہنا تھا کہ قانون نافذ کرنے والے اداروں کی محنت سے شہر اور صوبے بھر میں ماحول پر امن رہا۔

بہترین انتظامات کرنے پر متعلقہ اداروں کا شکر گزار ہوں ، پر امید ہوں کہ آئندہ بھی فول پروف انتظامات کو یقینی بنایا جائے گا۔

واضح رہے کہ یوم عاشور کو پر امن بنانے کے لیے سیکیورٹی فورسز نے سخت ترین انتظامات کیے تھے ، سینکڑوں پولیس اہلکاروں کو سیکیورٹی پر متعین کیا گیا تھا جبکہ اس کے ساتھ سادہ کپڑوں میں بھی اہلکار تعینات تھے ۔

جلوسوں اور مجالس کی سیکیورٹی کیمروں سے بھی مانیٹرنگ کی جا رہی تھی ، مجالس کے دوران رضا کاروں کی خدمات بھی حاصل کی گئی تھیں اور مسلسل تلاشی کے عمل کو یقینی بنایا جا رہا تھا جوکہ پر امن ماحول میں کافی مدد گار ثابت ہوا ہے۔