Tag: layyah news

لیہ(صبح پا کستان )ڈپٹی کمشنر رفاقت علی نے کہا ہے کہ پری مون سو ن اور پری فلڈ انتظامات کا بنیاد ی مقصد پیشگی ریسکیو ریلیف اور بحالی سرگرمیوں کو منظم پلان کے ذریعے تمام ممکنہ وسائل بروے کار لاتے ہوئے حتمی شکل دے کر عملی جامع پہنانا ہے ۔یہ بات انہوں نے کہ پری مون سو ن اور پری فلڈ انتظامات کے جائزہ کے لیے منعقدہ اجلاس کی صدارت کرتے ہوئے کہی۔اجلاس میں اے ڈی سی آر فخر الرحمان ،اے سی لیہ شاہد عباس کاٹھیا ،ا ے سی کروڑ لیاقت علی،جی اے آر صفات اللہ ،سی ای او تعلیم شوکت علی شیروانی ،سی ای او صحت ڈاکٹر امیر عبداللہ سامٹیہ،ڈی ڈی ایل جی یوسف کلیم ،اے ڈی ایل ایس ڈاکٹرمحمد طارق ،سی او ضلع کونسل شیخ قاسم شکیل ،ایکسین انہار طارق عزیز ،ڈی ڈی ایم اے حامد چوہدری و محمد جنید کے علاوہ دیگر متعلقہ افسران نے شرکت کی۔ اجلاس میں ملٹی میڈیا کے ذریعے ڈسٹرکٹ ایمرجینسی آفیسر ڈاکٹر سجاد احمدنے بتایا ضلع لیہ میں ممکنہ سیلابی صورت حال سے نمٹنے کے لیے فرضی مشقیں کی جارہی ہیں جبکہ ممکنہ متاثرہ ہونے والے مواضعات کا ڈیٹا مکمل کرلیا گیا ہے ۔انہوں نے مزید بتایا کہ دریا میں پانی کی صورت حال پر نظر رکھی جارہی ہے اور حکومت پنجا ب کی طرف سے وضع کردہ پری مون سون اور فلڈانتظامات پر عمل درآمد کو یقینی بنایا جارہا ہے۔مزیدبرآں بارشوں کی صورت حال ،متوقع سیلاب کے خدشات،چھوٹے بڑے شہروں میں بارش کے پانی کی فوری نکاسی ،اسی طرح پی ڈی ایم اے کی طرف سے ضلع کی ڈیمانڈکے مطابق ٹینٹ اور کمبل کی فراہمی ،جدید سافٹ وئیر کے ذریعے ممکنہ سیلاب کی صورت حال سے پیشگی آگاہی کے لیے ایس ایم ایس سسٹم کو فنکشنل کرنے ،پٹرولنگ چیک پوسٹوں ،دریائی پوسٹوں کو مزید الرٹ رہنے ،میونسپل کمیٹیوں کے وسائل کو ڈسٹرکٹ ڈیزاسٹر مینجمنٹ کمیٹی کے ذریعے استعمال میں لانے ،ضلع کونسل کے اس ضمن میں دائرہ کار کو بڑھانے ، سانپ وکتے کاٹے کی ویکسین کی موجودگی ،پانی کو صاف کرنے کے لیے کلور سینٹیشن کی ٹیبلٹس کی موجودگی ،ایمرجنسی کنٹرول روم کاقیام ،نشیبی علاقوں میں بوٹس اورلائف سیونگ جیکٹس اورڈی واٹرنگ سیٹ کی موجودگی کے بارے میں بریفنگ دی گئی ۔ڈپٹی کمشنر نے اجلاس سے خطاب کرتے ہوئے فلڈ بندوں وسپربندوں ،روڈ انفراسٹکچرکاسروے کرکے رپورٹ مرتب کرنے اور فلڈ ریلیف کیمپوں کے مجوزہ مقامات اور بوٹس و ضروری مشینری کو دریاکے قریبی مقامات پر رکھنے کے لیے بھی ہدایات دیں۔