لیہ ۔ شفاف اور پُرامن انتخابات کے لیے ڈسڑکٹ مانیٹرز کی تقریب حلف برداری ،ڈسٹرکٹ مانیٹرڈپٹی کمشنر رفاقت علی سمیت آٹھ مانیٹرز نے حلف اُٹھایا

لیہ (صبح پا کستان )شفاف اور پُرامن انتخابات کے لیے ڈسڑکٹ مانیٹرز کی تقریب حلف برداری جوڈیشل کمپلیکس کے کانفرنس روم میں منعقدہوئی ۔ڈسٹرکٹ ریٹرینگ آفیسر ڈسٹرکٹ اینڈ سیشن جج شوکت کمال ڈار نے ڈسٹرکٹ مانیٹرز سے حلف لیا۔ڈسٹرکٹ مانیٹرڈپٹی کمشنر رفاقت علی سمیت آٹھ مانیٹرز نے حلف اُٹھایا۔تقریب میں ڈسٹرکٹ الیکشن کمشنر ملک جاوید اقبال اعوان، متعلقہ حلقوں کے آراوز،میڈیانمائندگان موجود تھے۔قبل ازیں ڈسٹرکٹ ریٹرینگ آفیسر ڈسٹرکٹ اینڈ سیشن جج شوکت کمال ڈارنے خطاب کرتے ہوئے کہاکہ منصفانہ غیر جانب دارانہ اور پرامن انتخاب کا انعقاد ہماری اولین ذمہ داری ہے ۔انہوں نے کہا کہ متعلقہ افسران کے ساتھ بطور مانیٹرز اپنے فرائض دیانتداری سے ادا کریں تاکہ انتخابی ضابطہ اخلاق پر عمل درآمد کو یقینی بناتے ہوئے ووٹرز کو پرامن ماحول فراہم کرتے ہوئے اپنا حق رائے دہی آزادی سے استعمال کرنے کا پھر پور موقع فراہم کیا جاسکے ۔تقریب سے ڈسٹرکٹ مانیٹر ڈپٹی کمشنر رفاقت علی اورایڈیشنل ڈسٹرکٹ اینڈ سیشن جج نے بھی اظہا رخیال کیا۔