چوک اعظم ۔سیہڑ خاندان نے عوام کی بلا امتیاز خدمت کی ہے ۔سردار اویس خان سیہڑ

چوک اعظم( صبح پا کستان )سیہڑ گروپ کے راہنماء سردار اویس خان سیہڑنے جھوک تھہیم میں عوامی اجتماع سے خطاب کرتے ہوئے کہاکہ ہم نے ہمیشہ عوامی کی بلا امتیاز خدمت کی ہے انہوں نے کہاکہ سیہڑ خاندان پر ووٹرز کا دباؤ تھا کہ وہ آزاد الیکشن لڑیں لیکن ہم نے عمران خان کی دعوت پر پی ٹی آئی میں شامل ہوئے تھے مگر وہاں اصولو ں اور قدرکی کوئی قیمت نہیں انہوں نے کہاکہ عمران خان ایسے لوگوں میں گھِر گئے ہیں جو ان کے ویژن کو بر باد کرنے پر لگے ہوئے ہیں ۔انہوں نے کہاکہ سیہڑ خاندان ہمیشہ لوگوں کے دلوں میں بسا ہے ۔اور انشاء اللہ جیت بھی ہماری ہو گی انہوں نے کہاکہ کرپشن مافیا وہاں ٹکٹس تقسیم کرنے میں لگا ہوا ہے ۔انہوں نے کہاکہ شاہ محمود قریشی نے پارٹی کا بیڑہ غرق کر دیا ہے ۔انہوں نے وضاحت کرتے ہوئے کہاکہ ہم نے پی پی پی سمیت کسی بھی پارٹی سے رابطہ نہیں کیا ۔کیوں کہ ہم آزاد حیثیت میں الیکشن لڑنا چاہتے ہیں ۔