جائیداد ہتھیانے کی خاطردوسری شادی کرنے والی خاتون کا بچوں کو زہر پلا کر جان سے مارنے کی کوشش کوٹ سلطان (صبح پا کستان )جائیداد ہتھیانے کی خاطردوسری شادی کرنے والی خاتون کا بچوں کو زہر پلا کر جان سے مارنے کی کوش، بچوں کے نانا ، نانی و اہل خانہ کا احتجاج، سیاسی دباؤ ، بھاری رشوت پرپولیس کارروائی سے گریزاں۔لیہ کے نواحی چک 161بی کی رہائشی رضیہ بی بی نے اپنے پوتی ،پوتے ، بیٹی ، بیٹوں کے ہمراہ پریس کانفرنس کرتے ہوئے کہا کہ اس کی بیٹی جس کاکردار بہتر نہ تھا نے اپنے پہلے خاوند غلام حسن ولد پہلوان کو نشہ آور ادویات دے کر مریض بنادیاجو چھ ماہ قبل دار فانی سے رخصت ہو گیا۔غلام حسن سے صفیہ بی بی کے دو بچے6سالہ زین العابدین اور 7سالہ ایمن بی بی تولد ہوئے جو زندہ و حیات ہیں جن کے نام پر وارثتی جائیداد منتقل ہو ئی۔ انہوں نے بتایا کہ صفیہ بی بی نے خاوندکی جائیداد کو اونے پونے بیج کر دوسری شادی کر لی اور بچوں سے جائیداد ہتھیانے کی خاطر نابالغ بچوں کو چند روز قبل بوتل میں زہر ملا کرجان سے مارنے کی کوشش کی جو بعدازاں پتہ چلنے پر بچوں نے پینے سے انکار کیا ۔ پولیس کو زہر کی بوتل مقدمہ کے لئے دی گئی مگر تھانہ کوٹ سلطان پولیس نے بھاری رشوت اور سیاسی دباؤ پر کارروائی سے انکار کر دیا ۔ انہوں نے احتجاج کرتے ہوئے مطالبہ کیا کہ ڈی پی او لیہ کپٹن ریٹائرڈ علی محمد ضیا واقعہ کی خود انکوائر ی کرائیں اور بچوں کو والدہ کی بجائے بالغ ہونے تک نانا ، نائی کے پاس رکھا جائے ۔رابطہ پر پولیس اے آیس آئی ریاض حسین نے بتایا کہ درخواست موصول ہو چکی ہے اور تفتیش کا عمل شروع کر دیا ہے۔

رپورٹ ۔ مہر زاہد سرفراز واندر پریس رپورٹر