پیر جگی ۔ فوڈ انسپکٹر کا چھاپہ۔ دوکاندار گرفتار،30کلوگرام سے زائد گوشت موقع پر تلف

لیہ (صبح پا کستان ) فوڈ انسپکٹر کا چھاپہ ،تھانہ پیر جگی کی حدو د میں ناقص اور مضر صحت گوشت فروخت کرنے پر دوکاندار گرفتار،30کلوگرام سے زائد گوشت موقع پر تلف کر دیاگیا۔تفصیل کے مطابق پیر جگی کی حدود میں قصاب مذبحہ خانہ سے تصدیق کے بغیر بیمار اور لاغرجانور کا گوشت فروخت کر رہا تھاجس کی اطلاع پر فوڈ انسپکٹر ،ویٹرنری انسپکٹر اور تحصیل دار لیہ کی ٹیم نے چھاپہ مار کر گوشت قبضہ میں لے لیا جسے بعدازاں تلف کر دیاگیا جبکہ قصاب کے خلاف تھانہ پیر جگی میں ایف آئی آر درج کرکے موقع پر گرفتار کر لیاگیااور دوکان کاسیل کردیاگیا۔