لیہ . جشن آزادی معرکہ حق اختتامی کرکٹ میچ , ڈی سی الیون ونر ,کامران مین آف دی میچ قرار

یہ،( صبح پاکستان )جشن آزادی معرکہ حق کے سلسلہ میں اختتامی کرکٹ میچ ڈی سی الیون اور ڈیپارٹمنٹس الیون کے مابین سپورٹس کمپلیکس میں کھیلا گیا۔ ڈپٹی کمشنر امیرا بیدار میچ کی مہمان خصوصی تھیں۔ ڈیپارٹمنٹس الیون نے ٹاس جیت کر بیٹنگ کی۔ آٹھ اوورز پر مشتمل کرکٹ میچ میں ڈیپارٹمنٹس الیون کی جانب سے ریحان نے 87 جبکہ نثار احمد خان نے 19 رنز بنائے اور ڈی سی الیون کو میچ جیتنے کے لئے 138 رنز کا ٹارگٹ دیا۔ ڈی سی الیون کی جانب سے ایڈیشنل ڈپٹی کمشنر ریونیو شاہد ملک نے ایک جبکہ افراسیم نے 2 پلیئرز کو آؤٹ کیا۔ ڈی سی الیون نے کرکٹ میچ 7 اوورز کے اختتام پر بغیر کسی نقصان کے جیت لیا۔ ڈی سی الیون کی جانب سے کامران شاندار بیٹنگ کرتے ہوئے انفرادی طور پر 73 رنز سکور کئے اور مین آف دی میچ قرار پائے۔ ڈپٹی کمشنر امیرا بیدار کا ٹیموں سے تعارف کروایا گیا۔ ڈپٹی کمشنر نے رننر اپ ٹیم کے کپتان ڈپٹی ڈائریکٹر کالجز ذوالفقار علی حیدری اور ونر ٹیم کے کپتان بابر گجر کو ٹرافیاں دیں۔ اس موقع پر اے ڈی سی جی شبیر احمد ڈوگر، اسسٹنٹ کمشنرز حارث حمید خان، ملک محبوب اقبال ہنجرا، نعمان محمود، ڈی او سپورٹس امتیاز احمد بھٹی اور دیگر افسران و پلیئرز موجود تھے۔ ڈپٹی کمشنر امیرا بیدار نے اس موقع پر گفتگو کرتے ہوئے کہا کہ جشن آزادی معرکہ حق کے سلسلہ میں یہ اختتامی کرکٹ میچ کھیلا گیا جس میں دونوں ٹیموں نے بہترین سپورٹس مین سپرٹ کا مظاہرہ کیا۔ انہوں نے دونوں ٹیموں کو مبارکباد دیتے ہوئے کہا کہ وزیر اعلیٰ پنجاب مریم نواز شریف کے وژن کے مطابق کھیلتا پنجاب کے تحت ضلع میں کھیلوں کی سرگرمیاں جاری ہیں اور اس سلسلہ میں کھیل کے میدان آباد رکھنے کے لئے گراں قدر اقدامات بھی اٹھائے جا رہے ہیں۔ انہوں نے کہا کہ سپورٹس کمپلیکس میں خواتین کے لئے جم اور پہلی بار خواتین کو تیر اندازی کے مقابلوں کے لئے تیر اندازی کا سامان اور ٹریننگ دی جا رہی ہے۔ ضلع کے نوجوانوں ٹیلنٹ میں کسی سے کم نہیں اور حکومت پنجاب، ضلعی انتظامیہ نوجوان نسل کو سپورٹس کے میدانوں میں بھرپور سہولیات فراہم کر رہی ہے تاکہ یہ ہمارے ملک کا نام روشن کر سکیں