لیہ ( صبح پا کستان ) ڈی پی او لیہ سید علی رضا کا تھانہ فتح پور ،تھانہ چوک اعظم کا وزٹ ،تھانہ میں موجود سائلین کے مسائل دریافت کیے،سائلین کے داد رسی کوہر صورت یقینی بنایا جائے ۔ ڈی پی او لیہ
تفصیلات کے مطا بق ڈی پی او لیہ سید علی رضا کا تھانہ جات کی کارکردگی کومانیٹر کرنے وزٹ کا سلسلہ جاری ،امروز ڈی پی او لیہ نے تھانہ فتح پور کا وزٹ کیا ،ڈی ایس پی کروڑ طاہر شبیر ،ایس ایچ او تھانہ فتح پور عدنان شہزاد و دیگر افسران ان کے ہمراہ تھے،ڈی پی او نے تھانہ حوالات ،فرنٹ ڈیسک ،وائر لیس روم و دیگر حصوں کا معائنہ کیا ،سید علی رضا تھانہ میں موجود سائلین سے بھی ملے اور ان کا مسئلہ دریاف کیا ،پورے انہماک کے ساتھ ان کا مسئلہ سن کر ڈی پی او نے ایس ایچ او کو فوری حل کےلئے احکامات جاری کیے ،ڈی پی او نے پولیس افسران کو ہدایات کرتے ہوئے کہا کہ تھانہ میں آنے والے مظلوموں کی داد رسی کو یقینی بنایا جائے ،خواتین اور بزرگ شہریوں کے ساتھ احترام کے ساتھ پیشہ آیا جائے ،کسی بے گناہ شخص کو غیر قانونی طورپر پولیس حراست میں ہر گز نہ رکھا جائے ،ڈی پی او لیہ نے تھانہ میں ہونے والے تزئین و آرائش کے کام کا بھی جائزہ لیا اور متعلقہ عملہ کو کہا کہ معیاری کام کو یقینی بنایا جائے ۔
