ملتان . صو با ئی وزیر ویمن ڈو یلپمنٹ آ شفہ ریا ض فتیا نہ نے گزشتہ روز پاک اٹالین نشتر برن یونٹ کا دورہ کیا اوربرن یونٹ میں بےبی کئیر سنٹر کا افتتاح کیا۔
صوبائی سیکرٹری وومن ڈویلپمنٹ عنبرین رضا، پرووائس چانسلر نشتر یونیورسٹی ڈاکٹر اعجاز مسعود اور چئیرمین نشتر برن یونٹ ڈاکٹر ناہید احمد چوہدری بھی ہمراہ تھے ، آشفہ ریاض فتیانہ نے کہا کہ ورکنگ خواتین کی سہولت کیلئے مرکزی اداروں میں سے بےبی ڈے کئیر سنٹرز بنائے جارہے ہیں،خو اتین کو تعلیم کے ساتھ سا تھ خود اعتمادی دینا حکومت کی اولین ترجیح ہے، اس سلسلے میں پنجاب حکومت نے40 کروڑ روپےکئیر سنٹرز کے قیام کیلئے مختص کئے ہیں۔اس موقع پر عنبرین رضا نے کہا کہ پنجاب میں 146 ڈ ے کئیر سنٹرز فعال کردیے گئے ہیں جبکہ مزید 67 ڈ ے کئیر سنٹرز کے فنڈز جاری کردیے گئے ہیں،ڈے کئیر سنٹرز میں بچو ں کی نگہداشت، خورا ک اور تفر یح کےلئے تمام سہو لتیں فر اہم کی گئی ہیں، بعد ازاں چیئرمین پاک اٹالین برن سنٹر ڈاکٹر ناہید احمد چوہدری نے تفصیلی بریفننگ بھی دی ۔
