لیہ(صبح پا کستان )ضلع لیہ میں بھی ملک بھر کی طرح ضلعی انتظامیہ کے زیر اہتمام کشمیر پر بھارت کے غاصبانہ قبضہ کے خلاف یوم استحصال منایا گیا۔اس سلسلہ میں ختم نبوت چوک سے تھل چوک تک استحصال ریلی نکالی گئی۔ڈپٹی کمشنر اظفر ضیاءنے استحصال ریلی کی قیادت کی۔ڈی پی او سید علی رضا،اسسٹنٹ کمشنر نیاز احمد مغل، سی ای او ایجوکیشن شرافت بسرا،ڈی ایس پی رمیز بخاری،ڈی او ایجوکیشن توکل حسین ،صدر انجمن تاجران ملک مظفر دھول، افسران،اہلکاران،سول سوسائٹی کے ممبران اور میڈیا نمائندگان بھی موجودتھے۔
ڈپٹی کمشنر اظفر ضیاءنے ریلی سے خطاب کرتے ہوئے کہاکہ کشمیر پاکستان کی شہ رگ ہے۔غاصب بھارت نے کشمیر کو دنیا کی سب سے بڑی جیل بنا دیاہے انہوں نے کہاکہ دنیا کشمیریوں کی جدوجہد آزادی کا اعتراف کرنے پر مجبور ہو چکی ہے کشمیرپاکستا ن کا حصہ تھااور رہے گا۔انہوں نے مزیدکہا کہ کشمیریوں کو ظلم وبربربت کے ذریعے ان کے بنیادی حق آزادی سے محروم نہیں کیاجاسکتاپاکستان اور عوام کشمیریوں کی آزادی تک ان کے ساتھ ہے۔ڈی پی او علی رضانے کہاکہ پوری قوم کشمیری بہن بھائیوں کے ساتھ کھڑی ہے اور ہرمحاذپر ان کی سفارتی اور اخلاقی مدد جاری رکھی جائے گیا انہوں نے مزیدکہاکہ کشمیری حق خودارادیت کے مطالبے سے ایک انچ بھی پیچھے نہیں ہٹے جہدو جہدآزادی کشمیریوں کا بنیادی حق ہے انہیں اس حق سے محروم نہیں کیاجاسکتا۔ریلی سے سی ای او تعلیم شرافت بسرا، ڈی ایس پی رمیز بخاری،الہی بخش جوتہ نے خطاب کرتے ہوئے کہاکہ مسئلہ کشمیر اب ایک المیہ سے بڑھ کر انسانی بحران کی شکل اختیار کر چکا ہے یہ بحران عالمی برادری کی بے حسی کا نوحہ ہے وزیر اعظم عمران خان کے دلیرانہ فیصلوں اور اقدامات کی وجہ سے کشمیرکاز کو ایک نئی شناخت ملی ہے جو کشمیر کی آزادی پر منتج ہوگی اہلیان لیہ اورپوری قوم کشمیریوں کے استحصال کی مذمت کرتی ہے۔ریلی کے شرکاءنے کشمیریوں بھائیو ں کے حق میں نعرے لگائے۔ریلی میںشرکاءنے کشمیر کے تصفیہ کے لئے اقوام متحدہ کی قراردادوں پر مبنی پلے کارڈز اٹھا رکھے تھے۔اس موقع پر کشمیری ترانہ بھی چلایا گیا۔ ریلی تھل چوک پر اختتام پذیر ہوئی۔
