لیہ(صبح پا کستان) چیئرمین تحریک استقلال جنوبی پنجاب انجم صحرائی نے ڈسٹرکٹ ہیڈ کوارٹر ہسپتال لیہ سمیت جنوبی پنجاب کے تمام ڈسٹرکٹ ہیڈ کوارٹرز ہسپتالوں میں کڈنی وارڈ،نیفرالوجسٹ ڈاکٹر و عملہ کی تعیناتی کا مطالبہ کر دیا
موجودہ تحریک انصاف کی حکومت جنوبی پنجاب کی پسماندگی کے خاتمہ کا نعرہ لگا کر ایوان اقتدار تک پہنچی لیکن جنوبی پنجاب کی محرومیوں کے خاتمہ کیلئے کوئی بھی مئوثر پیش رفت نہ کی ،جنوبی پنجاب کی تحصیل تونسہ کے ایم پی اے عثمان بزدار کو بے اختیار اور ڈمی وزیر اعلٰی کی کرسی پر بٹھا یا گیا جنوبی پنجاب کی عوام کو طفل تسلیوں کے علاوہ کسی قسم کی کوئی بڑی ترقیاتی سکیم نہ دی گئی جنوبی پنجاب کی عوام کوکسی بھی قسم کی جان لیوا مرض کے علاج کیلئے بڑے شہریوں کو رخ کرنا پڑتا ہے ان خیالات کا اظہار انہوں نے ڈسٹرکٹ پریس کلب لیہ میں میڈیا نمائندگان سے گفتگو کرتے ہوئے کیا انہوں نے کہا کہ لیہ 20لاکھ سے زائد کی آبادی کا ضلع ہے جس میں دیگر امراض کے مریضوں کے علاوہ گردہ کی بیماری کے مریضوں میں مسلسل اضافہ ہورہا ہے ڈی ایچ کیو ہسپتال لیہ میں ڈائیلیسیز یونٹ اور یورالوجسٹ ڈاکٹر موجود ہیں لیکن گردہ کے ایمرجنسی مریضوں کے علاج معالجہ کیلئے کڈنی وارڈ اور نیفرالوجسٹ ڈاکٹر کے نہ ہونے کی وجہ سے آئے روز کسی نہ کسی گردہ کے مریض کا انتقال ہوجاتا ہے پورے جنوبی پنجاب کے کسی بھی ڈسٹرکٹ ہیڈ کوارٹر ہسپتال میں گردوں کے امراض کے ایمرجنسی مریضوں کے علاج معالجہ کی سہولت موجود نہیں،جنوبی پنجاب سے تعلق رکھنے والے قومی و صوبائی اسمبلیوں کے ممبران کے پیش نظر عوام کی صحت کے کسی قسم کا کوئی منصوبہ زیر غور نہیں بلکہ سابقہ روائتی سیاستدانوں کی طرح نالی سولنگ،سڑک کی سیاست کررہے ہیں تحریک انصاف کی حکومت نئے پاکستان اور تبدیلی کو نعرہ لگانے والی ریاست مدینہ کی طرز پر حکومت بنانے کیلئے میدان میں آئی تھی اقتدار میں آنے کے بعد سابقہ حکومتوں کی طرح ڈھل چکی ہے کسی بھی قسم کے عوامی فلاحی منصوبہ اچھی صحت ،مساوی تعلیم،بے روزگاری،مہنگائی کا خاتمہ پیش نظر نہیں،انہوں نے وزیر اعلیٰ پنجاب سے مطالبہ کیا کہ جنوبی پنجاب کے تمام اضلاع کے ڈسٹرکٹ ہیڈ کوارٹرز ہسپتالوں میں فوری طور پر کڈنی وارڈ بنانے اور نیفرالوجسٹ ڈاکٹرز کی تعیناتی کا مطالبہ کیا ، ضلعی چیئرمین تحریک استقلال چوہدری اشرف تبسم،ضیاء الرحمن گدارہ،ضیاء اللہ ناصر،شیر خان،محمد ندیم و دیگر موجود تھے ،اس موقع پر کوٹ سلطان کے سیاسی سماجی نوجوان سبطین رسول سہو نے تحریک استقلال میں شمولیت کا اعلان کیا ۔
