لیہ(صبح پا کستان)6سال گذر گئے سانحہ ماڈل ٹاؤن کے 15شہداء کے لواحقین اور 90مردوخواتین زخمی ہوکر معذور ہونے والے کارکنوں کو انصاف نہ مل سکا،انصاف کے حصول کیلئے سڑکوں پر نکلنے والے 107 پاکستان عوامی تحریک کے عہدیداران و کارکنوں کو جیلوں میں ڈال دیا گیا،قائد ڈاکٹر طاہر القادری کی قیادت میں ملک کے فرسودہ نظام کی تبدیلی تک اور شہداء ماڈل ٹاؤن کے انصاف کے حصول تک پرامن جدوجہد جاری رہے گی،
ان خیالات کا اظہار آرگنائزر جنوبی پنجاب پاکستان عوامی تحریک چوہدری قمر عباس دھول کی قیادت میں دیگر عہدیداران کی سانحہ ماڈل ٹاؤن کے شہدا ء کی برسی کے موقع پر ڈسٹرکٹ پریس کلب میں پریس کانفرنس،انہوں نے کہا کہ اسلام آباد دھرنا دینے پر اس وقت کے آرمی چیف راحیل شریف کی مداخلت پر سانحہ ماڈل ٹاؤن کی ایف آئی آر کا اندراج ہوا تھا،سانحہ ماڈل ٹاؤن کی جوڈیشل انکوائری کرنے والے جج جسٹس باقر نجفی نے اس وقت کے وزیر اعلیٰ پنجاب میاں شہباز شریف اور اسکی ٹیم کو سانحہ ماڈل ٹاؤن کا ذمہ دار ڈیکلیئر کیاتھا ہمارا مطالبہ ہے کہ جسٹس باقر نجفی کی رپورٹ کو پاکستانی قوم کیلئے شائع کیا جائے، انہوں نے کہا کہ ماڈل ٹاؤن میں ظلم کی داستانیں رقم ہوئیں جب عورتوں،بزرگوں،جوانوں پر گولیاں چلا کر ان کو شہید کیا گیا بلکہ ہسپتال جانے والے افراد کو بھی تشدد کا نشانہ بنایا گیا،عوامی تحریک کے رہنماؤں کا کہنا تھا کہ ڈاکٹر طاہر القادری نے کارکنان اور پاکستانیوں کے لئے جنگ لڑی اور لڑرہے ہیں تاکہ اس بوسیدہ نظام سے چھٹکارہ حاصل کیا جاسکے، وزیر اعظم عمران خان نے دو ماہ میں انصاف کا وعدہ کیا مگر پورا نہیں ہوسکا جس پر ہمارا مطالبہ ہے کہ انصاف فراہم کرنے اور ظلم میں شریک افراد کو قانون کے مطابق سزا دی جائے ورنہ کورونا وبا کے بعد انصاف کے حصول کے لئے احتجاج کریں گے،پریس کانفرنس میں ڈپٹی جنرل سیکرٹری جنوبی پنجاب ڈاکٹر محمود الحسن مصطفائی، رہنما پاکستان عوامی تحریک جنوبی پنجاب چوہدری محمد شاہد ارائیں،ضلعی صدر چوہدری خضر حیات دھول،صدر تحریک منہاج القرآن پی پی 282حاجی شوکت علی طاہر،ضلعی کوارڈینیٹر منہاج القرآن یوتھ لیگ حسنین رضا،ضلعی سیکرٹری انفارمیشن جاوید احمد شاکر،ڈپٹی جنرل سیکرٹری پیٹ چوہدری علی رضا نت،جنرل سیکرٹری پیٹ ملک بشیر سامٹیہ،صدر منہاج القرآن محمد اکبر قادری،سینئر نائب صدر چوہدری مشتاق احمد گجر،رہنما پیٹ لیہ ڈاکٹر محمد بلا ل ارائیں موجود تھے،پریس کانفرنس کے بعد شہداء کے درجات کی بلندی کیلئے دعاکرائی گئی۔
رپورٹ۔ رضوان مرزاپریس رپورٹر لیہ
