لیہ۔گورنمنٹ پوسٹ گرایجویٹ کالج میں اظہار یکجہتی کشمیر کے موضوع پر سیمینار

لیہ (صبح پا کستان) یوم یکجہتی کشمیر کی تقریبات کا سلسلہ جاری ہے۔گورنمنٹ پوسٹ گرایجویٹ کالج میں کشمیری عوام کے ساتھ اظہار یکجہتی کے لئے سیمینار کا انعقاد کیا گیا۔سیمینار کی صدارت پرنسپل طارق مومن نے کی۔اس موقع پر اساتذہ اور طلبہ کی بڑی تعداد موجود تھی۔سیمینار کی میزبانی کے فرائض پروفیسر امین اللہ نے انجام دیے۔سیمینار میں ملی نغمے اور بھارتی فوجیوں کی طرف سے کشمیری مسلمانوں پرہونے والے مظالم پرمشتمل خاکے پیش کیے گئے۔مقررین نے سیمینار سے خطاب میں انڈین فورسز کی بربریت کی مذمت کرتے ہوئے کہا کہ اقوام متحدہ سیکورٹی کونسل کی قراردادوں پر عمل درآمد کروائے تاکہ مظلوم کشمیریوں کو آزادی نصیب ہو۔