لیہ ۔ چھوٹوگینگ کے ہاتھوں یرغمال بنائے گئے پولیس نوجوانوں کے ورثاء کا احتجا ج

چھوٹوگینگ کے ہاتھوں یرغمال بنائے گئے پولیس نوجوانوں کے ورثاء کا احتجا ج
لیہ(صبح پا کستان)راجن پور میں چھوٹوگینگ کے ہاتھوںیرغمال بنائے گئے لیہ کے پولیس نوجوانوں کے اہل خانہ کاٹی ڈی اے چوک پر احتجاج و ریلی۔ مظاہرہ میں شریک مغوی اہلکاروں کے اہل خانہ کے علاوہ اہل علاقہ کی بڑی تعداد موجود تھی جنہوں نے بینرز، پلے کارڈ اٹھا رکھے تھے جن پر مغوی اہلکاروں کو فوری رہاکرانے کے مطالبات درج تھے۔ مظاہرین نے مطالبہ کیا کہ ٓاپریشن بندکرکے مذ اکرات کے ذریعے معاملات حل کیے جائیں ۔ انہوں نے کہاکہ مغوی اہلکاروں نے گھروں پر فون کر کے اپنی مشکلات بتائیں ہیں، ہمارے بچے بہت تکلیف میں ہیں۔ اہل خانہ نے کہا کہ مغوی اہلکاروں نے ٹیلی فونک رابطے پرہمیں رہا کرانے اور انتظامیہ کو مذاکرات کرنے پر آمادہ کرنے کی تلقین کی ہے۔ انہوں نے بتایا کہ چھوٹو گینگ کی جانب سے ان پر تشدد جاری ہے ۔ گزشتہ تین روز سے یرغمالیوں کو بھوکا پیاسا رکھا گیا ہے حکومت آپریشن بند کر کے انہیں رہا کروائے ۔
رپورٹ ۔ مہر زاہد واندر پریس رپورٹر