لیہ ۔استاد کی کم عمر طالبعلم سے زیادتی، ملزم گرفتار

استاد کی کم عمر طالبعلم سے زیادتی، ملزم گرفتار
لیہ(صبح پا کستان)مدرسہ کے استاد کی کم عمر طالبعلم سے زیادتی، والدین کی درخواست پر ملزم کے خلاف مقدمہ درج، ملزم گرفتار کر لیا، گیا، مدرسے کے مزید بچوں سے بھی زیادتی کا انکشاف، مزید تفتیش جاری ہے۔ پیر جگی شریف کے نواحی چک نمبر 170ٹی ڈی اے میں قائم مدرسہ  کے مدرس مولوی شمشاد نے طالبعلم سے زیادتی کر ڈالی، والدین کے مطابق رات کو عشا ء کی نماز کے بعد ان کا بیٹا شمائل رب نواز قرآن مجید کی تعلیم حاصل کرنے کے بعد واپس آجاتا تھا مگر وقوع کی رات طالبعلم جب کافی وقت گزرنے کے بعد گھر نہ پہنچا تو والدین بچہ کا پتا کرنے مدرسہ پہنچے جہاں ایک جگہ بچے کی رونے کی آواز آئی ، پتا کر نے پر بچہ نے تمام حقیقت سنائی جس پر والدین نے مولوی کو پکڑ کر پولیس کے حوالے کر دیا بعد ازاں پولیس تفتیش میں مدرسہ استاد نے طالبعلم سے زیادتی کا اقرار کر لیا ۔بچہ کا ڈی این اے ٹیسٹ کرایا گیا جس میں زیادتی کی تصدیق ہو گئی۔ پولیس نے ملزم کے خلاف مقدمہ درج کر کے گرفتار کر لیا۔ علاوہ ازیں اہل علاقہ نے مولوی کے خلاف زبردست احتجاج کرتے ہوئے کہاکہ مولوی کو کڑی سے کڑی سزا دینے کامطالبہ کیا ہے ۔اہل علاقہ نے شبہ ظاہر کیا ہے کہ مولوی شمشاد پہلے بھی کئی طالب علموں سے زیادتی کا مرتکب ہو چکا ہے اس کے خلاف خصوصی کیس چلا کر تفتیش کی جائے۔
رپورٹ ۔مہر زاہد سرفراز واندر پریس رپورٹر