ملتان ۔ فضل الرحمٰن کے آزادی مارچ نے کشمیر کاز کو نقصان پہنچا یا ۔ فخر امام

ملتان ۔ سابق سپیکر قومی اسمبلی چیئرمین کشمیر کمیٹی فخر امام نے کہا ہے کہ قوم متحد ہو کر بیرونی سازشوں کا مقابلہ کرے ،

وزیر اعظم عمران خان نے کشمیر کے مسئلہ کو عالمی سطح پر اُجاگر کرکے دنیا میں ثابت کر دیا کہ مودی دہشت گردی کر رہا ہے آج مقبوضہ وادی میں ظلم وستم کی تاریخ رقم کی جارہی ہے، مولانا فضل الرحمن ٰنے کشمیر کاز کو نقصان پہنچایا ہے آزادی مارچ کا یہ وقت نہ تھا بھارت میں خوشیاں منائی جارہی ہے کہ کشمیر کا مسئلہ دب گیا ہے ان خیالات کا اظہار انہوں نے سینئرنائب صد مسلم لیگ (ق)لیبر ونگ پنجاب رانا محمد حفیظ سے ملاقات میں کیا، ایم پی اے وپارلیمانی سیکرٹری ندیم قریشی بھی موجود تھے ،رانا محمد حفیظ نے کہا کہ چوہدری شجاعت حسین ، پرویز الہیٰ مولانا فضل الرحمن کا دھرناختم کرنے لئے اپنا کلیدی کردار ادا کر رہے ہیں۔