ڈیرہ غازیخان ۔ایڈیشنل ڈپٹی کمشنر ریونیو آفس کے جونئیر کلرک مسرت عباس ملازمت سے معطل

ڈیرہ غازیخان (صبح پا کستان).ڈپٹی کمشنر ڈیرہ غازی خان میں میاں محمد اقبال مظہر مہار نے گندم خریداری سنٹر میں ڈیوٹی نہ کرنے پر ایڈیشنل ڈپٹی کمشنر ریونیو آفس کے جونئیر کلرک مسرت عباس کو ملازمت سے معطل کردیا ہے۔نوٹیفکیشن کے مطابق مسرت عباس کی گندم خریداری مرکز ڈیرہ غازی خان میں درخواستوں اور دیگر ریکارڈ کو کمپیوٹرائزڈ کرنے کی ڈیوٹی لگائی تھی اور سنٹر کوآرڈینیٹر کے مطابق مسرت عباس ڈیوٹی پر نہیں پہنچے۔