لیہ ۔ تاریخ کا بد ترین طو فان بادو باراں ،محکمہ ریونیو کو فصلات سمیت نقصانات کا سروے کرنے کی ہدایت

لیہ (صبح پا کستان ) گذ شتہ کل لیہ ضلع میں تاریخ کا بد ترین ظوفان بادوراں آ یا ، انتہائی تیز آ ند ھی کے ساتھ بارش کے اس طو فان نے ضلع بھر کی زند گی تہہ و با لا کردی ، تیز ترین آ ند ھی سے شہر میں لگے پینا فلیکس بورڈ ، بجلی اور پی ٹی سی ایل کے پول اور درخت گر گئے گرلز کالج کی چار دیواری سمیت بہت سے گھروں کی چار دیواریاں گر گئیں ، پٹرول پمپ اور فارم کی چھتیں اڑ گئیں شدید بارش اور تیز ہوا نے فصلات کا بھی خا صا نقصان کیا پی ٹی سی ایل اور بجلی کی تنصیبات کو نقصان پہنچنے کے سبب بجلی اور پی ٹی سی ایل کی سر وسز چو بیس گھنٹے گذ ر نے کے بارجود شہر اور دیہی علاقوں میں تا حال بحال نہیں ہو سکی ہیں طو فانی بارش اور تیز ہواؤں کے طو فان سے زخمی ہو نے والے متا ثرہ افراد کو ڈسٹرکٹ ہیڈ کوارٹر ہسپتال لا یا گیا ، طو فان بادو باراں کے سبب ڈی ایچ کیو میں ایمر جنسی نا فذ کر دی گئی ۔ بجلی اور انٹر نیٹ متا ثر ہو نے کے سبب کئی علاقائی اخبارات شا ئع نہ ہو سکے ۔ لیہ میں طوفان بادوباراں کے بعد ڈپٹی کمشنر واجد علی شاہ کی نگرانی میں ضلع کی تینو ں تحصیلوں میں ریسکیو سرگرمیوں اور ہونے والے نقصانات کے سر وے کیلئے محکمہ ریونیو ،صحت، ریسکیو 1122،بلدیاتی اداروں، واپڈا ، پی ٹی سی ایل نے ریسکیو ،ریلیف اوربحالی کیلئے تیزی سے تمام دستیاب وسائل بروئے کار لاتے ہوئے کام کا آغاز کر دیا ۔ طوفان کے تھمتے ہی اطلاعات پر ریسکیو1122کے آپریشنل سٹاف نے مجموعی طور پر38مردوخواتین اور بچوں کو ریسکیو کر کے ہسپتالوں میں پہنچایا جن میں کوٹ سلطان سے4، چوک اعظم سے3اور لیہ کے گرد نواں سے 35شامل ہیں کو ٹی ایچ ہسپتالوں کوٹ سلطان،چوک اعظم اور ڈی ایچ کیو ہسپتال لیہ منتقل کیا جن میں سے 5 شدید زخمیوں کو ملتان ریفر کیا گیا 51معمولی زخمیوں کوفرسٹ ایڈ دی گئی جبکہ25 زخمی ڈی ایچ ہسپتال میں داخل ہیں۔ریسکیو سرگر میوں کے دوران ڈپٹی کمشنر واجد علی شاہ نے زخمیوں کی عیادت کی اور ایم ایس ڈاکٹر عتیق الرحمان کو بہترو معیاری علاج معالجہ کیلئے ہدایات دیں۔اسی طرح انہوں نے بلدیاتی اداروں ،محکمہ بلڈنگ وہائی وے کے حکام کو سڑکوں اورگلیوں پر گرے ہوئے درختوں اور شاخوں کو ہٹا کر راستوں کی بحالی اور سوریج لائنوں کوصاف کرنے، بجلی کی بحالی کیلئے گرے ہوئے کھمبوں کو درست کرنے اور محکمہ ریونیو کے حکام کو فصلات ، دیواریں اور چھتیں گرنے کے نقصانات کا سروے کرنے کی ہدایت کی۔