لیہ (صبح پا کستان ) حکومت پنجاب خواتین کو ترقی کے دھارے میں مردوں کے شانہ بشانہ لانے کے لیے وویمن ایمپاورمنٹ پیکج کے تحت بے شمار فلاحی پروگرامزکے ذریعے روبہ عمل ہے تاکہ پنجاب کی عورت کو مضبوط تر بنا یاجاسکے۔یہ بات مقررین نے خواتین کے عالمی دن کے موقع پر ضلع بھر میں منعقدہ مختلف تقریبات سے خطاب کرتے ہوئے کہی۔انٹرنیشنل وویمن ڈے کے موقع پر ڈپٹی کمشنر کے کانفرنس روم میں مختلف شعبوں میں نمایاں کارکردگی کی حامل خواتین نے لاہور میں منعقدہ مرکزی تقریب دیکھی اور اظہار خیال کیا۔اسی طرح گورنمنٹ گرلز ماڈل ہائی سکول،گرلز سکول کروڑ لعل عیسن،چوبارہ ،فتح پور،صنعت زار ،دارالامان میں تقریبات کا انعقاد عمل میں لایا گیا۔تقریبات سے سی ای او تعلیم شوکت علی شیروانی،پرنسپل راشدہ اشرف،مینجرصنعت زار صائمہ سیماب ،ڈی ڈی سوشل ویلفیئرظفر اقبال کھارا،سمیرا ملک،مس کوثر،ہیڈمسٹریس و طالبات نے خطاب کیا۔مقررین نے کہا کہ حکومت پنجاب جہاں صوبے کی اقتصادی و سماجی ترقی کے لیے اقدامات کررہی ہے وہاں خواتین کی فلاح و بہبود کے لیے بھی بھر پور اقدامات عمل میں لائے جارہے ہیں تاکہ وہ بھی ملک کی اقتصادی و سماجی ترقی میں اپنا کردار ادا کرکے ترقی کی رفتار میں مزید بہتری لاسکیں۔انہوں نے مزید کہا کہ وویمن ایمپاورمنٹ پیکج کے تحت خواتین کے لیے سرکاری ملازمتوں میں پندرہ فی صد کوٹہ ،مدت ملازمت میں رعایت ،معاشرے میں بہتر مقام دلانے کے لیے پنجاب کمیشن کا قیام،خود مختار اداروں میں خواتین کی 33فی نمائندگی،مختلف اضلاع میں 16ورکنگ وویمن ہوسٹل کا قیام،ملازمت پیشہ خواتین کے بچوں کی نگہداشت کے لیے54 ڈے کیئرسنٹر،وراثتی قوانین میں لینڈ ریکارڈ کے تحت شفاف نظام،خاتو ن محتسب کے دفتر،فیملی کورٹس ،پنجاب میں 680پولیس اسٹیشن میں خواتین کے لیے ہیلپ ڈیسک،خواتین کو ٹریننگ دینے کے لیے خصوصی سنٹرز چیف منسٹرسکیم کے تحت قرضوں کی فراہمی ،سکولوں کی 9ہزار کینٹین کا ٹھیکہ دینے ،51نئے گرلز کالج کا قیام اورپیف سکالرز شپ کے تحت 85ہزار سے زائد خواتین کو وظائف کی فراہمی ایسے اقدامات پنجاب حکومت کی خواتین کو مستفید کرنے کے عملی اقدمات ہیں۔
