لیہ ۔ ڈسٹرک بار لیہ کے انتخابا ت 13جنوری کو ہوں گے ،ضلعی صدارت کے لیے سید غضنفر عرف گجو شاہ اور رانا وسیم حیات کے درمیان ون ٹو ون مقابلہ ہو گا ، الیکشن کے سلسہ میں پنجاب بار کونسل نے احاطہ بار میں کھانا دینے پر پابندی عائد کردی

لیہ( صابر عطاء سے) ڈسٹرک بار لیہ کے انتخابا ت 13جنوری کو ہوں گے ۔ون ٹو ون مقابلہ ،گہما گہمی ،جوڑ توڑ شروع ۔ٹینڈر ووٹ آج ڈالے جائیں گے ۔تفصیل کے مطابق ڈسٹرکٹ بار کونسل لیہ کے انتخابات کے سلسلہ میں پولنگ 13جنوری کو صبح 9بجے سے شام 4بجے تک جاری رہے گی ۔جبکہ ٹینڈر ووٹ آج (12) جنوری کوڈالے جائیں گے ۔ضلعی صدارت کے لیے سید غضنفر عرف گجو شاہ اور رانا وسیم حیات کے درمیان ون ٹو ون مقابلہ ہو گا ۔الیشن کے سلسلہ میں جوڑ توڑ جاری ہے اور گہما گہمی شروع ہو گئی ہے ۔یہاں یہ امر قابل ذکر ہے کہپنجاب بار کونسل نے لیہ بار کے احاطہ میں الیکشن تک کھانا دینے پر پابندی عائد کر دی ۔خلاف ورزی کرنے والا امیدوار نا اہل بھی ہو سکتا ہے ۔مراسلہ جاری ۔تفصیل کے مطابق ڈسٹرک بار کونسل لیہ کے الیکشن کے سلسہ میں پنجاب بار کونسل نے مراسلہ جاری کرتے ہوئے احاطہ بار میں کھانا دینے پر پابندی عائد کردی ہے ۔مراسلہ نمبر 28528کے مطابق الیکشن میں حصہ لینے والاا کوئی بھی امیدوار بار کے احاطہ میں کسی کو بھی کھانا نہیں دے سکتا ۔خلاف ورزی پر امیدوار کے خلاف کاروائی کی جائے گی اور وہ نا اہل بھی ہو سکتاہے ۔