لیہ ( صبح پا کستان ) ضلعی پولیس کی کامیابیوں کا سلسلہ جاری، سیمابا گینگ کی گرفتاری کے بعد فیاضی گینگ پولیس کے شکنجہ میں، ٹریکٹر ،ڈالہ ، 06 موٹر سائیکل سمیت تیس لاکھ روپے مالیتی کی برآمدگی ، سی آئی اے ٹیم کو 50 ہزار روپے انعام سے نوازا گیا ، گینگ اسلحہ کے زور پر وارداتیں کرتا ،لیہ سمیت پنجاب کے چھ اضلاع اور اسلام آباد پولیس کو مطلوب ہے ڈی پی او لیہ کی پریس کانفرنس۔مدعیوں میں برآمد ہونے والی وہیکلز کی چابیاں اور نقدی تقسیم ، شہریوں کا سی آئی اے ٹیم کو بھر پور خراج تحسین ،ڈی پی او اور شہریوں کی طرف سے سی آئی اے ٹیم کو انعامات ۔ تفصیلات کے مطابق ضلعی پولیس کی کامیابیوں کا سلسلہ جاری ہے انچارج سی آئی اے کلیم اللہ اور ان کی ٹیم کی انتھک محنت سے سیمابا گینگ کی گرفتاری کے بعد شہریوں کو قیمتی مال و متاع سے محروم کرنے والے بین الاضلاعی 07 رکنی فیاضی وڑائچ گینگ بھی قانون کے شکنجے میں آ گیا۔دفتر پولیس میں ہونے والی پریس کانفرنس میں ذرائع ابلاغ کے نمائندوں سمیت مختلف مقدمات کے مدعیوں نے بھی شرکت کی ۔ڈی پی او کیپٹن (ر) محمد علی ضیاء نے گینگ کی گرفتاری کے حوالے سے ذرائع ابلاغ کے نمائندوں سے گفتگو کرتے ہوئے کہا کہ ضلعی پولیس شہریوں کے جان ومال کے تحفظ کو یقینی بنانے کے لیے دستیاب تمام تر وسائل بروئے کار لا رہی ہے قبل ازیں سیمابا گینگ کو گرفتار کر کے سرقہ کی گی لاکھوں روپے کی مالیت برآمد کر کے شہریوں میں تقسیم کی گی انہوں نے کہا کہ فیاضی گینگ کی گرفتاری کے لیے سی آئی اے ٹیم نے انتھک محنت کرنے کے ساتھ ساتھ دیگر اضلاع میں بھی چھاپے مارے انہوں نے کہا کہ 07 رکنی گینگ کا مرکزی سرغنہ بھکر کا رہائشی عمران پٹھان جبکہ لیہ میں فیاض عرف فیاضی سر پرستی کرتا جبکہ دیگر ارکان میں ریاض حسین ، محمد جمیل ، امتیاز احمد، سیف اللہ اور محمد یوسف شامل ہیں انہوں نے کہا کہ گینگ نے لیہ سمیت پنجاب کے دیگر اضلاع خوشاب، جھنگ ، مظفر گڑھ، فیصل آباد اور اسلام آباد میں متعدد وارداتیں کر چکا ہے انہوں نے کہا کہ گینگ اسلحہ کے زور پر شہریوں کو قیمتی مال ومتاع سے محروم کر دیتا جبکہ بعض اضلاع میں سرغنہ عمران نے دیگر ساتھیوں کے ہمراہ قانون نافذ کرنے والے اداروں کی وردیاں پہن کر بھی وارداتیں کر چکا ہے ۔ملزمان سے اب تک کی تفتیش میں 01 ٹریکٹر ، 01 ڈالہ ،06 موٹر سائیکل اور نقدی سمیت 30 لاکھ 10 ہزار روپے مالیت کا مال مسروقہ برآمد کیا جا چکا ہے علاوہ ازیں ملزمان سے شناختی کارڈ ، رجسٹریشن بک اور نمبر پلیٹس برآمد کی گی ہیں ۔ملزمان تھانہ سٹی ، چوبارہ ، چوک اعظم اور فتح پور میں درج 18 مقدمات میں ملوث پائے گئے ہیں جبکہ ملزمان دیگر اضلاع کو بھی مطلوب ہیں انہوں نے کہا کہ گینگ کی گرفتاری کے لیے خوشاب پولیس کی بھی معاونت رہی ہے گرفتار ملزمان میں سے 04 ملزمان خوشاب پولیس کی حراست میں ہیں ڈی پی او نے اس موقع پر برآمد کی گئی وہیکلز کی چابیاں اور نقدی مختلف مقدمات کے مدعیوں میں تقسیم کی شہریوں نے ضلعی پولیس کو کامیاب کاروائی پر بھرپور خراج تحسین پیش کیا اورسی آئی اےٹیم کو پھولوں کے ہار پہنائے ڈی پی او نے انچارج کلیم اللہ ایس آئی اور ٹیم میں شامل دیگر محمد طاہر ASI ، محمد اکمل HC ، حفیظ احمد HC اور کنسٹیبلاں خدا بخش، ذکاء اللہ ، محمد عمران، مجاہد حسین، محمد وسیم، مجاہد علی ، تنویر احمد ، خادم حسین کے لیے تعریفی سرٹیفیکٹ اور نقد انعامات سے نوازا جبکہ شہریوں کی طرف جبکہ شہریوں کی طرف سے CIA ٹیم کو 50 ہزار روپے انعام سے نوازا گیا ۔
