لیہ (صبح پا کستان)وزیر اعظم پاکستان کے لیہ جلسہ میں عوام اور مسلم لیگی کارکنوں کی ہزاروں کی تعداد میں شرکت مسلم لیگ ن کی پالیسیوں پر بھر پور اعتماد کا علمی مظہر ہے اور مخالفین کے لیے اشارہ ہے کہ آئندہ الیکشن میں بھی مسلم لیگ ن سرخرو ہوگی۔یہ بات ضلعی صدرپاکستان مسلم لیگ ن ملک احمد علی اولکھ نے کارکنوں کے اظہار تشکرکے لیے منعقدہ اجلاس سے خطاب کرتے ہوئے کہی۔اجلاس میں وائس چیئرمین ضلع کونسل نور محبوب میلوانہ ،چیئرمین ایم سی لیہ حافظ جمیل احمد ،سیٹھ محمد اسلم خان،اظہر حسین ہانس ،محمد انور علوی ، محمد عثمان اولکھ،قیصر انصاری ،احمد خا ن ودیگر نے شرکت کی۔ملک احمد علی اولکھ نے کہا کہ قائد مسلم لیگ ن میاں محمد نوازشریف کے جلسہ میں ہزاروں افراد کی شرکت سے کارکنوں میں نیا جوش اور ولولہ پیدا ہوا ہے اور بڑی تعدا د میں لوگوں کی شرکت اس بات کی غماز ہے کہ وہ پاکستان مسلم لیگ ن کی پالیسیوں پر بھرپور اعتماد کرتے ہیں جو آئندہ الیکشن میں بھی تما م نشستوں پر کام یابی کی نوید ثابت ہوگا۔
