راجن پور ۔ دہشت گردی کے پیش نظر دربار فرید ؒ کی سیکیورٹی انتظامات مکمل ہونے چاہئیں۔ڈپٹی کمشنر راجن پور( صبح پا کستان )ڈپٹی کمشنر راجن پور اشفاق احمد نے مٹھن کوٹ میں عظیم صوفی شاعر حضرت خواجہ غلام فرید ؒ کی دربار پر سیکیورٹی انتظامات کا جائزہ لیا اس موقع پر اے سی راجن پور شاہد محبوب ،ایس ڈی پی محمد عظیم بھٹی ،سیکورٹی انچارج کرم الہی ،اعجاز احمد ،منیجر اوقاف اور دیگر متعلقہ افسران بھی موجود تھے۔ ڈپٹی کمشنر نے منیجر اوقاف ،سیکورٹی انچارج کو ہدایت کی کہ حالیہ دہشت گردی کے پیش نظر مٹھن کوٹ دربار فرید ؒ کی تمام سیکیورٹی انتظامات مکمل ہونے چاہئیں ،کسی قسم کی کوتاہی بالکل برداشت نہیں کی جائے گی۔لائٹوں کے لئے جنریٹر ،سی سی ٹی وی کیمرے فنکشنل ہونے چاہئیں ۔آنے والے زائرین کے لئے سہولیات فراہم کی جائیں ۔ڈپٹی کمشنر نے واک تھرو گیٹ اور دربار کے چاروں اطراف کا معائنہ کیا بعد ازاں ڈپٹی کمشنر نے ٹیم کے ہمراہ حضرت خواجہ غلام فرید ؒ کے روضہ پر حاضری دی ملکی سلامتی اور ضلع کی ترقی کے لئے دعا کی گئی۔اس موقع پر محکمہ اوقاف کی طرف سے دستار بندی بھی کی گئی۔ راجن پور ۔ سی ای او تعلیم ثناء اللہ خان سہرانی وزیر اعلیٰ پنجاب ٹیلنٹ ہنٹ پروگرام کے فوکل پرسن مقرر راجن پور( صبح پا کستان )وزیر اعلیٰ پنجاب ٹیلنٹ ہنٹ پروگرام کے تحت موسیقی اور مصوری کے مقابلہ جات کے لئے رجسٹریشن شروع کر دی ہے ۔جو کہ 28فروری تک جاری رہے گی۔جن کے فوکل پرسن سی ای او تعلیم ثناء اللہ خان سہرانی ہوں گے۔جن کا رابطہ نمبر 0335-7878930ہے ۔یہ باتیں اے ڈی سی جی افضل ناصر نے ایک مراسلے کے ذریعے بتائیں ۔انہوں نے کا کہ گلوکاری اور مصوری کرنے والے حضرات فوکل پرسن سے رابطہ کر کے انپی رجسٹریشن کروائیں۔ان مقابلہ جات میں 18سے 35سال کی عمر کے افراد بلا تفریق خود کو رجسٹرڈ کروا سکتے ہیں۔ اور مقابلہ میں حصہ لیں اور لاکھوں کے انعامات حاصل کریں اور اس ویب سائٹ punjab.gov.px/talenthuntکے ذریعے بھی رجسٹریشن کروا سکتے ہیں۔موسیقی کے لئے 3تا 9مارچ جبکہ مصوری کے لئے 11تا 30مارچ تک ابتدائی انتخاب ہو گا۔

راجن پور ۔ملاوٹ مافیا اور ذخیرہ اندوز کو کسی بھی صورت میں معاف نہیں کیا جائے گا ۔ڈی سی راجن پور( صبح پا کستان )پنجاب حکومت عوام کو سستی اور معیاری اشیاء کی فراہمی کے لئے اہم اقدامات کر رہی ہے ۔ملاوٹ مافیا اور ذخیرہ اندوز کو کسی بھی صورت میں معاف نہیں کیا جائے گا۔لوگوں کی صحت کے لئے صحت مند غذا کا ہونا ضروری ہے۔اس سلسلے میں ڈسٹرکٹ فوڈ اتھارٹی راجن پور کو فعال کر دیا گیا ہے جو عوام کو اشیاء خورد نوش کی کوالٹی بہتر فراہم کرنے میں اپنا کردار ادا کر رہی ہے۔ان خیالات کا اظہار ڈپٹی کمشنر راجن پور اشفاق احمد نے ملاوٹ مافیا کے خلاف اجلاس کی صدارت کرتے ہوئے کیا۔اس موقع پر اے ڈی سی جی ،اے سی راجن پور،جام پور، محکمہ صحت ،فوڈ ،میونسپل کمیٹیوں کے افسران ،لائیو سٹاک ،انجمن تاجران اور دیگر موجود تھے۔ ڈ ی سی نے کہا کہ فوڈ اتھارٹی ضلع میں ناقص میٹریل استعمال کرنے والے افراد کے خلاف فوری کاروائی کریں تاکہ عوام کو اچھی اور بہتر کوالٹی کی اشیاء ملیں ۔اس موقع پر فوڈ انسپکٹر اکر م وسیم نے بریفنگ دیتے ہوئے بتایا کہ اب تک 904انسپکشن کی گئی ہیں ،جن میں 2لاکھ سے زیادہ جرمانے کئے گئے ہیں ۔نو ایف آئی آر اور سات افراد کو گرفتار کیا گیا ہے ۔