ڈیرہ غازیخان(صبح پا کستان)شیعہ علماء کونسل کے زیرِ اہتمام شہباز قلندر میں خود کش حملے کے خلاف احتجاجی ریلی نکالی گئی اور احتجاجی مظاہرہ کیا گیاتفصیلات کے مطابق شیعہ علماء کے زیر اہتمام دربارلعل شہباز قلندر خود کش حملے کے خلاف مرکزی امام بارگاہ رضویہ سے احتجاجی ریلی نکالی اور سی آئی اے سٹاف چوک پر احتجاجی مظاہر کیا گیا اور واقع کی شدید مذمت کی گئی ریلی میں سینکڑوں مظاہر ین نے شرکت کی مظاہرین نے بینر اور پلے کار ڈ اٹھا کر شدید نعرہ بازی کی اس موقع پر سیکورٹی کے سخت انتظامات کئے گئے تھے پولیس کی بھاری نفری تعینات تھی احتجاجی مظاہر ین سے شیعہ علماء کونسل صوبائی صدرپنجاب علامہ سبطین سبزواری نے خطاب کرتے ہوئے کہا کہ خیبر سے کراچی تک ہم سینکڑوں لاشیں اٹھارہے ہیں شہباز قلندر کے مزار میں خود کش حملہ کرکے نہتے معصوم لوگوں کی زندگیاں ختم کی گئی ان کا کیا قصور تھادہشت گردوں کی بے نقاب کرکے کیفرکردار تک پہنچایا جائے حکومت پاکستان کی سا لمیت کے لئے بہت بڑا خطرہ ہے جو عوام کے جان ومال کا تحفظ کرنے میں ناکام ہو گئی ہے اس موقع پرمرکزی رہنماشیعہ علماء کونسل علامہ محمد رمضان توقیر ، سینئر صوبائی نائب صدر علامہ موسٰی رضا جسکانی ،ڈویژنل رہنماسید ندیم حیدر نقوی ایڈووکیٹ ،مولانا سید منور حسن نقوی ،مولانا اقبال بلوچ،مولانا احسان علی اتحادی ،مولانانجم الحسن خان ،مولاناثقلین خان بلوچ نے خطاب کرتے ہوئے کہا کہ حکمرانوں کو کرپشن ،بینک بیلنس اور اپنی تجوریاں بھرنے سے فرصت نہیں ایوان میں بیٹھنے والے اور دھماکے کرنے والے دونوں دہشت گرد ہیں جو عوام کی حفاظت کرنے کی بجائے اپنی سیکورٹی کو بڑھا رہی ہے ان کو عوام کی کوئی پراہ نہیں ہم قائد ملت علامہ سید ساجد علی نقوی کے حکم پر پرامن ہیں اور یونہی اپنی جانیں قربان کرتے رہے ہیں اور ظالموں کے آگے سیسہ پلائی دیوار بن جائیں گے جنوبی پنجاب میں وانہ ،وزستان طرز کا آپریشن کرکے دہشت گردوں کی نرسریاں ختم کرکے ان کا قلع قمہ کیا جائے ان ناپاک عزائم کو ناکام بنانے کا واحد ذریعہ دہشت گرد عناصر اور سہولت کاروں کے خلاف بھرپور کاروائی ہے اور رکاوٹ بننے والے عناصر کے خلاف بھی کاروائی کی جائے۔
