Tag: layyah news

لیہ(صبح پا کستان) میونسپل کمیٹی لیہ شہریوں کو صحت و صفائی کی ضروری سہولیات فراہم کرنے کے لیے لیہ سٹی کو چار سیکٹر میں تقسیم کرکے 167عملے اور ضروری مشینری کے ساتھ مصروف عمل ہے ۔یہ بات چیئرمین میونسپل کمیٹی حافظ محمد جمیل نے ذرائع ابلاغ کے نمائندوں کو صحت وصفائی تر جیحات کے بارے میں بریفنگ کے دوران بتائی ۔چیئرمین ایم سی لیہ نے بتایا کہ چیئر مین کا عہدہ سنبھالتے ہی صحت و صفائی کو ترجیح دیتے ہوئے اقدامات عمل میں لائے گئے ہیں۔جس کے تحت ٹریکٹر ٹرالیوں ،بکٹس ،سکرمشین ،سیور یج لائنوں کی صفائی کے لیے متعلقہ مشینری کے ساتھ چار سیکٹر میں سٹی کو تقسیم کرکے 167افراد پر مشتمل سٹاف خدما ت سرانجام دے رہا ہے اور 8ڈسپوزل ورکس کو چالو حالت میں رکھنے کے لیے موٹروں کی ضروری مرمت کرانے کا عمل جاری ہے ۔علاوہ ازیں کوٹ سلطان میں بھی ٹی ایم اے کی مشینری اور افرادی قوت صفائی کا کام کررہی ہے ۔انہوں نے مزید کہا کہ میرا یہ عزم ہے شہریوں کو صاف ستھر اماحول فراہم کیاجاے جس کے لیے ہاوس کے تمام ممبران کی مشاورت سے موثر لا ئحہ عمل ترتیب دے کر کام کیا جارہا ہے ۔اس موقع پر ذرائع ابلاغ کے نمائندو ں نے غیر ضروری درختوں کو کاٹنے ،ڈیلی ویجز ملاز مین کی حاضری کو یقینی بنانے و غیر حاضر عملے کو ڈیوٹی پر حاضر کرنے اور صفائی اور روشنی کے بہتر انتظامات کے حوالے سے تجاویز دیں ۔جن پر چیئرمین نے عمل درآمد کرانے کی یقین دہانی کرائی۔

چیئرمین میونسپل کمیٹی لیہ حافظ جمیل احمد خان نے ذرائع ابلاغ کے نمائندوں سے گتگو کرتے ہوئے کہا کہ میونسپل کمیٹی لیہ کے تمام تر وسائل شہریوں کو صحت و صفائی کی بہترین سہولیات کیلئے وقف ہیں انہوں نے کہا کہ غیر حاضر اور ڈیوٹی سے غفلت کے مرتکب عملہ صفائی کے خلاف کاروائی کی جا رہی ہے ،حکومت کی طرف سے میونسپل کمیٹی کو اخراجات و ادائیگیاں کرنے پر تاحال پابندی ہے ادارہ کی خراب مشینری کی ایم پی اے لیہ چوہدری اشفاق احمد نے ذاتی جیب سے مرمت کرائی ہے اور اب ساری مشینری فعال حالت میں آن روڈ ہو چکی ہے انہوں نے کہا کہ میونسپل کمیٹی لیہ کی منقولہ و غیر منقولہ جائیداد کی چھان بین کی جارہی ہے جو اثاثہ جات غائب ہیں ذمہ داران سے واپس لئے جا رہے ہیں اور سابقہ دور میں ہونے والی مشینری کی مرمت کا سپیشل آڈٹ کرایا جارہا ہے لاکھوں روپے کی ادائیگی بعد تحقیق کی جائے گی انہوں نے کہا کہ سفارش کلچر نے ادارہ کی مشکلات میں اضافہ کردیا ہے ،مزید کہا کہ میونسپل کمیٹی لیہ میں حزب اقتدار اور اپوزیشن کا کوئی تصور نہ ہے تمام ارکان شہر کی بہتری کیلئے کام کررہے ہیں آئندہ چند دنوں میں ہی شہر میں مثالی تبدیلی آئے گی،بلدیہ لائبریری کو از سر نو منظم کیاجارہاہے تاکہ تعلیمیافتہ نوجوان علم کی پیاس بجھا سکیں۔