لیہ(صبح پا کستان)نیشنل ایکشن پلان کے تحت مؤثر کاروائی کی جائے،کرایہ داران کی کمپیوٹرائزڈرجسٹریشن کو یقینی بنایاجائے،مجرمان اشتہاری کی گرفتاری ہرممکن بنائی جائے،جرائم پیشہ عناصر سے آہنی ہاتھوں سے نمٹاجائے گا ،پولیسنگ کیلئے جدید ٹیکنالوجی سے استفادہ حاصل کیاجائے،پیشہ وارانہ ذمہ داریوں میں محکمہ کے وقارکوملحوظ خاطر رکھاجائے۔ ڈی پی او لیہ کیپٹن (ر)محمدعلی ضیاء کی منعقدہ کرائم میٹنگ میں پولیس افسران کو ہدایات ۔گزشتہ سال ماہ نومبر،دسمبرمیں درج ہونے والے کرائم کا جائزہ، سرکل افسران کی بریفنگ ۔تفصیلات کے مطابق دفترپولیس کے کانفرنس روم میں منعقدہ میٹنگ میں ضلع ھٰذا کے ڈی ایس پیز ،ایس ایچ اوز ،انچارج سیکورٹی،انچارج ٹریفک، سمیت دفتری عملہ ودیگرافسران شریک ہوئے منعقدہ میٹنگ میں گزشتہ سال ماہ نومبراوردسمبر میں درج ہونے والے کرائم کاجائزہ لیاگیا اورمقدمات کی تفتیش میں ہونے والی پیش رفت،مال مسروقہ کی برآمدگی،مجرمان اشتہاری کی گرفتاری سمیت دیگرامور زیربحث لائے گئے ڈی ایس پیز نے اپنے اپنے سرکل میں ہونے والے کرائم ،لاء &آرڈراوردیگرامور سے متعلق تفصیلی بریفنگ دی ڈی پی او نے دوران میٹنگ پولیس افسران کو ہدایت کرتے ہوئے کہا کہ پیشہ وارانہ ذمہ داریوں میں محکمہ کے وقارکوملحوظ خاطر رکھاجائے شہریوں کی جان ومال عزت وآبروکی حفاظت کویقینی بنانے کیلئے خدمات سرانجام دیں جرائم پیشہ عناصر کی سرکوبی کیلئے مؤثر مانیٹرنگ وگشت وپڑتال کے نظام کو مؤثر کیاجائے جرائم پیشہ عناصر سے آہنی ہاتھوں سے نمٹاجائے مجرمان اشتہاری کی گرفتاری کویقینی بنایاجائے اوران کی گرفتاری کیلئے جدید سمارٹ ویریفکیشن اینڈالرٹ سسٹم سافٹ ویئرسے مددلی جائے ڈی پی اونے کہا کہ نیشل ایکشن پلان کے تحت مؤثر کاروائی کی جائے،اپنے اپنے علاقہ میں موجود کرایہ داران کی کمپیوٹرائزڈرجسٹریشن کو یقینی بنایاجائے دریں اثناء ڈی پی او نے ڈی ایس پیز اور ایس ایچ اوزکے ہمراہ ڈی پی او آفس میں قائم کی گئی جدیدITلیب کامعائنہ کیا اور انچارج ITلیب نے مقدمات کی تفتیش ،ملزمان کی گرفتا ری ،مجرمان اشتہاری کو ٹریس آؤٹ کرنے کیلئے ITلیب میں دستیاب سہولیات کے حوالے سے تفصیلی بریفنگ دی ڈی پی او نے کہا کہ بدلتے حالات کاتقاضاہے کہ پرانے اور فرسودہ نظام کی بجائے پولیسنگ کیلئے جدید ٹیکنالوجی سے استفادہ حاصل کیاجائے ۔
