لیہ ۔تاجروں کی گرفتاری کے خلاف صدر بازار شمالی گیٹ پر ا نجمن تاجران کا احتجاجی دھرنا ، احتجاجی دھرنا سے صدر انجمن تاجران لیہ ملک مظفر اقبال دھول ، جنرل سیکرٹری شیخ کمال الدین ،سینئر نائب صدر محمد یونس خان،تحریک انصاف کے رہنما ملک اختر اقبال دھول،ملک ہاشم حسین سہو اورکونسلر عابد انوار علوی نے خطاب کیا

لیہ(صبح پا کستان)انجمن تاجران لیہکا 2تاجروں کی گرفتاری پر چیف آفیسر میونسپل کمیٹی و ایس ایچ او سٹی لیہ کیخلاف صدر بازار شمالی گیٹ پر احتجاج کیا ، احتجاجی دھرنا سے صدر انجمن تاجران لیہ ملک مظفر اقبال دھول ، جنرل سیکرٹری شیخ کمال الدین ،سینئر نائب صدر محمد یونس خان،تحریک انصاف کے رہنما ملک اختر اقبال دھول،ملک ہاشم حسین سہو،کونسلر عابد انوار علوی نے خطاب کرتے ہوئے کہا کہ چیف آفیسر میونسپل کمیٹی لیہ کی مدعیت میں دو تاجروں کے خلاف ناجائز ایف آئی آر درج کرائی گئی ہیں جسی کی جتنی بھی مذمت کی جائے کم ہے درج مقدمہ میں جس پلاٹ کا ذکر کیا گیا ہے ہ پلاٹ خرید شدہ ہے اور اس پلاٹ کے کاغذات محکمہ ریونیو و دیگر محکمہ جات نے قانونی کاروائی کرکے مالکوں کو منتقل کیا ہے انہی منتقل شدہ کاغذات کی روشنی میں اس جگہ پر سرکاری محکمہ نے دی کلاس اڈا کی منظوری دی ہوئی ہے اگر محکمہ ریونیو کے افسران کے دستخطوں سے منتقل شدہ رقبہ جعلی ہے تو پھر ان افسران کے خلاف بھی قانونی کاروائی کی جائے اور اڈا منظور کرنے والے افسران و اہلکاران کے خلاف بھی کاروائی ہونے چاہیئے ایس ایچ او سٹی کی سربراہی میں سٹی پولیس نے جس غنڈہ گردی کا مظاہرہ کرتے ہوئے مقامی تاجر ملک فاروق دھول،ملک مسعود شمع کو گرفتار کیا ہے قابل مذمت ہے انہوں نے کہا کہ ملک شمع بھی اپنے پلاٹ جس کی ایف آئی آر درج کی گئی ہے مالک ہے مزید کہا کہ تاجروں کی گرفتاری کے پس منظر میں 2حکومتی ایم پی ایز کی دلچسپی کا نتیجہ ہے اور تاجر پس رہے ہیں حالانکہ معاملہ عدالت میں زیرسماعت ہے انہوں نے کہا کہ جس پلاٹ کو میونسپل کمیٹی اپنی ملکیت ظاہر کررہی ہے اسی پلاٹ پر تمام سرکاری اداروں نے 2012ء میں بس اڈا قائم کرنے کی اجازت دی ہے تاجر نمائندوں نے کہا کہ اگرتین دنوں میں ایس ایچ او سٹی لیہ،چیف آفیسر میونسپل کمیٹی کومعطل و ٹرانسفر نہ کیا گیا تو پھرحالات کی تمام تر ذمہ داری ڈی سی لیہ اور ایس پی لیہ پر عائد ہوگی اور اگر آئندہ بھی کسی تاجر کی ہتک کی گئی تو لیہ کے تاجر بھر پورمزاحمت کریں گے۔