لیہ ۔پنجاب بھر کے سرکاری فارمزپر موجود تمام جانوروں کے بروسیلوسس ٹیسٹ شروع ، بروسیلوسس جانوروں سے انسانوں میں منتقل ہونے والی ایک بیماری ہے ۔ڈاکٹر طارق گدارا

لیہ(صبح پا کستان) پنجاب بھر کے سرکاری فارمزپر موجود تمام جانوروں کے بروسیلوسس کے ٹیسٹ شروع کردیے گئے ہیں اسی سلسلہ میں لیہ میں پروجیکٹ ڈائریکٹر محمد نواز ملک کی زیر نگرانی مہم جاری ہے ۔یہ بات اے ڈی آئی او لیہ ڈاکٹر طارق گدارا نے انگوراگوٹ فارم پر معائنہ کے دوران بتائی ۔ڈاکٹر طارق گدارا نے بتایاکہ بروسیلوسس جانوروں سے انسانوں میں منتقل ہونے والی ایک بیماری ہے اس بیماری کوجڑ سے اُکھاڑپھینکنے کے لیے خصوصی اقدامات عمل میں لائے جارہے ہیں ۔انہوں نے مزید کہا کہ لیہ میں انگوراگوٹ فارم ،رکھ خیرئے والاپر موجود تمام جانوروں کے نمونے جات حاصل کرکے ٹیسٹ شروع کردیے گئے ہیں۔