ملتان(صبح پا کستان)عدلیہ کے وقار ‘جمہوریت کی بحالی یا قومی ایشو کی بات ہو اس کے لئے وکلاء اور صحافیوں کی قربانیاں ناقابل فراموش ہیں۔ان خیالات کا اظہار ڈسٹرکٹ بار ایسوسی ایشن کے صدر ایم یوسف زبیر‘جنرل سیکرٹری انیس مہدی نے گزشتہ روز ’’دی نیشنل پریس کلب‘‘ملتان آمد پرنو منتخب عہدیداران کو مبارکباد دینے کے موقع پر بات چیت کرتے ہوئے کیا۔انہوں نے کہا کہ ملتان میں کالے کوٹ کے احترام اور وکلاء کے حقوق کیلئے جدوجہد کرتے رہیں گے۔ملتان ٹیکس بار ایسوسی ایشن کے نائب صدر راجہ ریاض نے کہا کہ جمہوریت کی بقاء کیلئے آزاد میڈیا اور وکلاء کے درمیان ہم آہنگی بہت ضروری ہے۔اس موقع پر معزز صحافیوں نے ’’دی نیشنل پریس کلب‘‘ ملتان کے چیئرمین ذوالفقار ملک‘صدر ایاز علی شیخ ودیگر عہدیداران کو پریس کلب کے قیام پر مبارکباد پیش کی جس پر ان کا شکریہ ادا کیا گیا۔
