ملتان ۔پیپلزپارٹی میں ابن الوقت قسم کے لوگ شہید ذوالفقار علی بھٹو کے وژن کو نقصان پہنچارہے ہیں پارٹی قیادت کو آ گاہ کریں گے ۔ عبدالحق خان

ملتان(صبح پا کستان)کنٹونمنٹ بورڈ حلقہ نمبر 4کے پیپلزپارٹی رہنماعبدالحق خان نے کہا کہ آئندہ الیکشن میں پارٹی بھاری اکثریت سے جنوبی پنجاب میں کامیاب ہوگی۔ پارٹی کارکن متحد ہو کر (ن) لیگ کی کرپشن ختم کرنے کیلئے آواز اٹھائیں۔ان خیالات کا اظہار گذشتہ روز پریس کانفرنس کرتے ہوئے کیا۔ اس موقع پر ظفر بٹ، کاشف وارثی، محبوب عالم خان، مختار خان، وقاص خان، عدنان خان ، ریحان خان، شفقت حسین اور محمد ندیم سمیت دیگر موجود تھے۔پریس کانفرنس کے موقع پر شیخ کاشف وارثی اور شیخ عبدالوحید نے ن لیگ چھوڑ کر پاکستان پیپلزپارٹی میں شمولیت کا اعلان کیا۔ عبدالحق خان نے مزید کہا کہ پیپلزپارٹی میں ابن الوقت قسم کے لوگ شہید ذوالفقار علی بھٹو کے وژن کو نقصان پہنچارہے ہیں جن کے بارے میں اعلیٰ قیادت کو جلد آگاہ کیاجائے گا۔ کنٹونمنٹ بورڈ کے تمام حلقوں میں ان خباری لیڈروں کی وجہ سے کوئی امیدوار کھڑا نہیں ہوا کیونکہ یہ کسی مخلص کارکن کو آگے نہیں آنے دیتے۔ ان کا مزید کہنا تھا کہ چندعناصر پارٹی کیلئے کچھ کرنے کی بجائے صرف اخباری بیانات تک محدود ہیں۔ اس موقع پر ظفر بٹ کا کہناھتا کہ حلقہ میں پارٹی منشور کیخلاف کام کرنے والے لوگوں کو حلقہ میں گھسنے نہیں دینگے۔ ہم شیخ کاشف وارثی اور شیخ عبدالوحید کو پاکستان پیپلزپارٹی میں شمولیت پر خوش آمدید کہتے ہیں۔