چوک اعظم( صبح پا کستان)صوبائی وزیر اور ایم این ے لیہ کے گھر کے قریب سرکاری سکول میں208طلباء و طالبات کے لیے صرف دو ٹیچر ۔درجہ چہارم کا ایک بھی ملازم نہیں ہے ۔سابق ای ڈی او نے ایک ماہ میں 4اساتذہ کے تبادلے کر دیے ۔جنرل کونسلر کا احتجاج۔محکمہ کو کئی بار صورت حال سے آگاہ کیا لیکن کسی ای او تعلیم کی عدم دلچسپی ۔ایم ایم روڈ بند کرنے کی دھمکی ۔تفصیل کے مطابق چک نمبر 427/Aٹی ڈی اے میں موجود گورنمنٹ ایلیمنٹری سکول میں کحکمہ تعلیم کے حکام کی عدم دلچسپی کی وجہ سے 208طلباء و طالبات اساتذہ کے تبادلے کی وجہ سے تاریک ہو رہا ہے ۔صوبائی وزیر ڈیزاسٹر منیجمنٹ مہر اعجاز احمد اچلانہ کے حلقہ اور ایم این اے سید ثقلین شاہ بخاری کے گھر سے 5کلو میٹر دور اس سکول میں موجود 6اساتذہ میں سے سابق ای ڈی او ایجوکیشن لیہ چوہدری منشاء کی ذاتی دل چسپی کی وجہ سے4اساتذہ کا ان کے گھروں کے قریب تبادلہ کردیا گیا جس کے بعد ایک خاتون ٹیچر بشریٰ اقبال اور بزرگ ٹیچر صادق محمد پرائمری کے 167اور مڈل کے 41طلابء و طالبات کو پڑھا رہے ہیں ۔
ہیڈ ماسٹر الٰہی بخش سہو نے بتایا کہ2016ء کے اگست سے لیکر ستمبر تک 4ٹیچرز کا تبادلہ کیا گیا ۔میں نے متعدد بار آفیسران اور حکا م کو گھمبیر صورت حال بارے آگاہ کیا لیکن ابھی تک کوئی شنوائی نہیں ہوئی ۔
جنرل کونسلر مہر شاہد کھرل نے میڈیا کو بتایا کہ محکمہ تعلیم کے حکام کی عدم دلچپسپی کی وجہ ان بچوں کا تعلیمی مستقبل برباد ہو رہا ہے ۔انہوں نے بتایا کہ 31دسمبر 2016ء کو ٹیچر سعدیہ خان نے رقعیہ بیگم کے ساتھ باہمی تبادلہ کروایا اور یکم فروری کو رقعیہ بیگم نے ریٹائر منٹ لے لی ۔یہ باہمی تبادلہ بھی غیر قانونی ہوا ہے ۔انہوں نے کہاکہ ہم نے صوبائی وزیر اور ایم این اے کو اس بابت آگاہ کیا لیکن کسی نے بھی نوٹس نہیں لیا ۔انہوں نے بتایا کہ سکول کے طلباء نے بغیر اساتذہ کے پنجم اور ہشتم کے امتحانات دیے ہیں ۔انہوں نے بتایا کہ سکول میں کوئی چوکیدار ،سیکورٹی گارڈ ،نائب قاصد،مالی وغیرہ نہیں ہے ۔سیکورٹی کے حالات کے خراب ہیں۔اور یہاں کے بچوں کو مستقبل خطرے میں ہے ۔انہوں نے بتایا کہ چیف ایگزیکٹو آفیسر محکمہ تعلیم خالدہ شاہین کو درخواستیں دیں انہوں نے کوئی کاروائی نہیں کی اور اب وہ کال بھی نہیں سنتیں ۔انہوں نے بتایا کہ اگر اساتذہ کی کمی کو دور نہ کیا گیا اور غیر قانونی باہمی تبادلے کو منسوخ نہ کیا گیا تو وہ سخت احتجاج کرتے ہوئے اہلِ علاقہ کے ساتھ ایم ایم اورڈ دھوری اڈہ بند کردیں گے۔
