ڈیرہ غازیخان (صبح پا کستان )ڈپٹی کمشنر ڈیرہ غازیخان اللہ رکھا انجم نے برصغیر کے روحانی پیشوا حضر ت سلطان سخی سرورؒ کے مزار پر حاضری دی . اس موقع پر حضرت سخی سرور ؒ کے عرس کے حوالے سے سکیورٹی اور دیگر انتظامات کا جائزہ لیا او رمتعلقہ افسران سے بریفنگ لی . ڈپٹی کمشنر نے فورٹ منرو میں زیر تعمیر تحصیل صدر ہسپتال کھر میں استعمال ہونے والے مٹیریل کے معیار پر عدم اطمینان کااظہار کرتے ہوئے ذمہ داروں کو نوٹسز جاری کر دیئے ہیں .انہوں نے استعمال ہونے والی ناقص اینٹیں موقع سے اٹھوانے اور ٹھیکہ کو سبلٹ کرنے پرتعمیراتی کمپنی کے خلاف کارروائی کے بھی احکامات جاری کر دیئے ہیں . ایڈیشنل ڈپٹی کمشنر فنانس و پلاننگ کو ہدایت کی کہ وہ اس سلسلے میں سکوپ آف ورک کے مطابق تعمیراتی کام کو یقینی بنانے کیلئے نوٹسز جاری کریں . ڈپٹی کمشنر نے کیڈٹ کالج فورٹ منرو کی مجوزہ جگہ کا بھی معائنہ کیا . فنڈز کی فراہمی اور تعمیراتی کام کے حوالے سے ضروری احکامات جاری کیے. اس موقع پر پی اے ٹرائیبل ایریا بابر بشیر ، سی ای او ڈاکٹر منور عباس سمیت دیگر متعلقہ افسران ہمراہ تھے .
