لیہ (صبح پا کستان ) پاسپورٹ آفس میں ایجنٹوں کی مداخلت کی خبروں کا ایم این اے سید ثقلین شاہ بخاری نے نوٹس لیتے ہوئے گزشتہ روز پاسپورٹ آفس کا اچانک دورہ کیا۔ دورہ کے دوران انچارج شیخ اشفاق احمد نے پاسپورٹ آفس میں سائیلین کو پہنچائی جانے والی سہولیات بارے ممبر قومی اسمبلی کو آگاہ کیا۔ انچارج پاسپورٹ آفس نے بتایا کہ دفتر میں مکمل طور پر ایجنٹوں کا داخلہ بند کر دیا ہے اور سائیلین کی تمام شکایات کے ازالہ کے لئے وہ خود موجود رہتے ہیں۔ایم این اے سید ثقلین شاہ نے انچارج پاسپورٹ آفس کو ہدایت کہ ایجنٹوں کو سختی سے اندرآنے پرپابندی لگائی جائے اور سائیلین کا کام مکمل طور پر میرٹ پر کیا جائے ، اس موقع پرچیئرمین یوسی کوٹلہ حاجی شاہ ملک نصیر بھٹہ، کونسلر ملک ریاض لیڈر اور دیگر لوگ بھی موجود تھے۔
