لیہ(صبح پا کستان) ڈپٹی کمشنر واجدعلی شاہ نے کہا ہے کہ عصر حاضر کے فکری ،علمی ،سماجی و اقتصادی چیلنجزسے عہدہ براں ہونے اورنوجوان نسل کی آئندہ پاکستان کی باگ ڈور سنبھلانے کے لیے علم و ہنر سے معتصف کرنا عہد حاضر کا اہم تقاضا ہے جسے کماحقہ پورا کرنے کے لیے اساتذہ و طالب علم دونوں مشترکہ ذمہ داریاں سمجھتے ہوئے نصابی و ہم نصابی سرگرمیوں کو فروغ دیں۔یہ بات انہوں نے گورنمنٹ پوسٹ گریجویٹ کالج لیہ کی 49ویں سالانہ تقریب تقسیم انعامات کے موقع پر خطاب کرتے ہوئے کہی ۔تقریب میں طلبا ء نے اتھیلٹکس،کوئز ،فٹ بال ،تن سازی ،سلو سائیکلنگ،تھری لیگ ریس ایسے مظاہرے پیش کیے ۔تقریب سے خطاب کرتے ہوئے ڈپٹی کمشنر نے کہا کہ عصر حاضر کے بدلتے ہوئے تقاضوں کو مدنظر رکھتے ہوئے جدید ٹیکنالوجی سے طالب علموں کو بہر ہ مند کرنے کے لیے اپنی تمام تر توانائیاں صرف کی جائیں تاکہ نوجوان نسل کو ملکی باگ ڈور سنبھالنے کے قابل بنایا جاسکے۔تقریب سے خطاب کرتے ہوئے چیئرمین ضلع کونسل ملک عمر علی اولکھ نے کالج کو درپیش مختلف مسائل کے حل کی یقین دہانی کرائی۔تقریب سے خطاب کرتے ہوئے ڈائریکٹر کالجز ڈی جی خان پروفیسر ڈاکٹر الطاف حسین بھٹی نے کہا کہ ہم نصابی سرگرمیوں کے ذریعے طلباکی کردار سازی میں نمایاں مدد مل رہی ہے جس کے لیے سالانہ سپورٹس مقابلے اہمیت کے حامل ہیں۔انہوں نے ڈگری بلاک کی توسیع ،50طالب علموں کے ہوسٹل کی مزید سہولیات و کنٹین کے قیام کے لیے فوری طور پر پی سی ون تیار کرکے بجھوانے کے لیے پرنسپل سے کہا کہ تاکہ طالب علموں کو مزید سہولیات فراہم کی جاسکیں۔تقریب میں پرنسپل مہر اختر وہاب نے سپاس نامہ پیش کرتے ہوئے کالج کی تعلیمی سرگرمیوں و سپورٹس کے بارے میں آگاہ کیا ۔بعدازاں ڈپٹی کمشنر واجد علی شاہ ،چیئرمین ضلع کونسل ملک عمر علی اولکھ ،ڈائریکٹر کالجز ڈی جی خان پروفیسر ڈاکٹر الطاف حسین بھٹی اور ڈی ڈی کالجز لیہ پروفیسر ملک خاد م حسین نے کرکٹ ،ریلے ریس ،نیزہ بازی ،گولاپھینکنے ،سائیکلنگ،فٹ بال ،کرکٹ ،والی بال ،بیڈ منٹن میں نمایاں کارکردگی کے حامل طالب علموں عنایت اللہ ،ذکیہ بشیر ،اسامہ رزاق ،قمر عباس ،مدثر علی ،تحسین عباس ،منگل خان،فواد حسن ،مظفر حسین ،محمد عرفان ،دلشاد حسین ،محمد روف ،احسین غفور،محمد بلال ،یاسر رشید،عامر شہباز ،عتیق الرحمان ،راش حسین ،منور حسین ،سبحان احمد،راحیلہ بشیر ،سیماب راشد،حمزہ بٹ ،تصو راقبال ویگر میں انعامات تقسیم کیے۔تقریب میں پروفیسرز،لیکچراردو طلبہ کی کثیر تعداد شرکت کی۔
