لیہ ۔ وزیر اعلی کی آمد پر دریائی کٹاؤ کے متاثرین سراپا احتجاج

لیہ(صبح پا کستان)دل کے ارما ن آنسو میں بہہ گئے، وزیر اعلی کی لیہ آمد، صوبائی وزیر سے ہمشیرہ کی وفا ت پر اظہار تعزیت، پنڈال میں انتظار کرتے ضلعی بھر کے لیگی کارکنان، بلدیاتی نمائندوں سے ملاقات کئے بغیر وزیر اعلی واپس روانہ ہو گئے، دریائی کٹاؤ متاثرین بھی سراپا احتجاج بنے رہے مگر کسی نے نہ سنی۔وزیر اعلی پنجاب میاں شہباز شریف گزشتہ روز صوبائی وزیر مہر اعجاز اچلانہ کی ہمشیرہ کی وفات پر اظہار تعزیت کے لئے ان کے گھر جمن شاہ لنگراچلانہ پر پہنچے ، وزیر اعلی نے صوبائی وزیر سے ان کی ہمشیرہ کی وفات پر گہرے دکھ و رنج کا اظہار کرتے ہوئے مرحومہ کی بخشش کے لئے دعا کی، وزیر اعلی سے ملاقات کے لئے آنے والے دریائی کٹاؤ متاثرین نے صبح سے شا م تک انتظار میں رہے مگر وزیر اعلی سے ان کی ملاقات نہ ہو سکی، ملاقات نہ ہونے پر دریائی کٹاؤ متاثرین نے وزیر اعلی کے خلاف شدید احتجاج کیا، متاثرین نے ہاتھوں میں چارٹ اٹھا رکھے تھے جن پر بے گھر ہونے والے متاثرین کو آبادکرنے کے لئے زمین کی فراہمی جیسے نعرے درج تھے۔ وزیر اعلی پنجاب میاں شہباز شریف سے ملاقات کے لئے ضلع بھر سے آنے والے آ لیگی کارکنان ، بلدیاتی نمائندوں ، میڈیا کو بھی وزیر اعلی سے نہ ملنے دیا گیا ، وزیر اعلی کارکنان کے سلام کا جواب ویگن کے اندر سے دیتے ہوئے ملتان کے لئے روانہ ہو گئے۔