لیہ( عبد الرحمن فریدی سے )اتوارچھٹی کے روزبااثرقبضہ گروپ نے ڈپٹی کمشنر،ایس پی ہاؤسز لیہ کے سامنے وفاقی و صوبائی حکومتوں کے ملکیتی بنکوں سے ملحقہ کروڑوں روپے مالیتی کمرشل پراپرٹی پردن دیہاڑے قبضہ کی واردات قانون نافذ کرنے والے چھٹی انجوائے کرتے رہے ایم پی اے لیہ نے موقع پر تعمیرات رکوادیں،تفصیل کے مطابق محکمہ ہاؤسنگ لیہ کی تقریباً10مرلہ کمرشل پراپرٹی جس پر ماضی میں بھی قبضہ کی دو مرتبہ کوششیں ہو چکی ہیں پر گذشتہ روز لیہ کے بااثر قبضہ گروپ نے نے کمرشل مارکیٹ کی تعمیرات شروع کردی ،دن دیہاڑے محکمہ کی سرکاری اراضی پر قبضہ کی اطلاع ہونے پر لیہ کے سرکاری اداروں نے حکومتی شخصیت کی مداخلت پر قبضہ کے خلاف کاروائی سے گریز کی حکمت عملی کو اختیار کئے رکھا،بعدازاں سرکاری کروڑوں روپے مالیتی اراضی پر قبضہ کی اطلاع ہونے پر ایم پی اے لیہ چوہدری اشفاق احمد موقع پر پہنچ گئے تعمیرات کرنے والے کی ملکیت بارے ثبوت پیش نہ کرسکے تو ایم پی اے کے حکم پر محکمہ ہاؤسنگ لیہ کے اہکاران نے تعمیرات کو ختم کردیا۔قبضہ بارے سابق ضلع ناظم ملک غلام حیدر تھند نے قبضہ سے لاعلمی کا اظہار کیا ۔
