لیہ( صبح پا کستان) موجود ہ حکمران دہشت گردوں کے دوست ہیں، سندھ کے حکمران چرچوں پر چڑھاوے چڑھانے میں مصروف ہیں جن کو عوام کی کوئی فکر نہیں، صدر جمعیت علما پاکستان نورانی گروپ ڈاکٹر ابوالخیر زبیر کی لیہ میں میڈیا سے گفتگوضلعی جنرل سیکرٹری جے یو پی عمران بھٹی کے گھر میڈیا سے گفتگو کرتے ہوئے ڈاکٹر ابوالخیر زبیر نے کہاکہ جب بھی حکمران ملک میں امن و امان کے دعوے کر تے ہیں دوسرے روز بم دھماکہ ہو جاتا ہے، درگاہ شاہ نورانی پر ہونے والا بم دھماکہ حکمرانوں کے دعوؤں پر طمانچہ ہے،انہوں نے کہا کہ حکمران چرچوں میں چڑھاوے چڑھا کر عوام کو کیا پیغام دے رہے ہیں،حکمران ملک کے مسائل حل کرنے میں مکمل طور پر ناکام ہو چکے ہیں، سیاسی جماعتوں کے بعد اب مذہبی جماعتوں کے اتحاد بھی بنیں گے جن کی طرف عوام دیکھ رہے ہیں، صدر جے یو پی ڈاکٹر ابوالخیر نے کہاکہ ملی یکجہتی کونسل کو بھی سیاست میں ان کرنے بارے مشاورت جاری ہے، آئندہ الیکشن میں جے یو پی کسی بھی جماعت کے ساتھ اتحاد کر سکتی ہے،قبل ازیں انہوں نے لیہ میں ورکر کنونشن سے بھی خطاب کیا۔
