لیہ (صبح پا کستان)ممتاز دانشورو شاعرقاسم عارض گولڈمیڈلسٹ کی نو تخلیق شدہ کتاب’’ ادارک کربلا‘‘ کی رونمائی عوامی ڈویلپمنٹ آرگنائزیشن کے دفتر میں منعقد ہوئی ۔تقریب کے مہمان خصوصی ڈسٹرکٹ اکاونٹس آفیسر عبدالرحمان قریشی اور مہرمحمد طفیل تھے۔تقریب میں شعرا ء کرام میاں شمشاد سرائی ،پروفیسر ریاض راہی ،منتظر مہدی،صابر حسین صابر نے مقالہ جات پیش کیے۔جبکہ شفیق خیالی ،نعمان اشتیاق ملک،مجاہد شاہ،جمعہ خان عاصی ،خادم حسین نے اپنے خیالات کااظہار کرتے ہوئے کتاب کے مندرجات پر روشنی ڈالی اور خوب صورت اشعار پیش کیے۔تقریب کی کمپئرنگ سلیم اختر ندیم نے کی اور قاسم عارض نے کتاب کے بارئے میں اپنے خیالات کا اظہار کیا۔بعد ازاں شعرا ء کرام کو ’’اظہر زیدی ‘‘ادبی ایوارڈدیاگیا۔
