جشن آزادی میں چار انچ کا چھوٹا سائیکل چلانے کا شا ندار مظا ہرہ
عالمی ریکارڈ میں شامل ہو نے کا موقع دیا جاءے ۔ نصر چوہان
لیہ(صبح پا کستان)جشن آزادی کی مرکزی تقریب میں لیہ کے نوے کلو وزنی نوجوان محمد نصر عالم چوہان نے گنیز بک آف ورلڈ ریکارڈ میں درج چھوٹے سائیکل چلانے کے ریکارڈ کو چیلنج کرتے ہوئے چار انچ کا چھوٹا سائیکل اپنی مدد آپ کے تحت تیارکر کے اور خود چلا کر عالمی ریکارڈ میں شامل ہونے کا مطالبہ کردیا،انہوں نے حکومت پاکستان سے مطالبہ کرتے ہوئے کہا کہ چار انچ کا چھوٹا سائیکل اپنی مدد آپ کے تحت تیارکر کے اور اس پر بیٹھ کر چلانے کا مظاہرہ پوری دنیا میں کسی اور نے نہیں کیا حکومت و انتظامیہ میری مدد کرے اور گنیز بک آف ورلڈ ریکارڈ میں میرے نام کو شامل کرائے ،محمد نصر عالم چوہان نے کہا کہ کالج لیول پر سلو سائیکلنگ کے مقابلہ میں 50فٹ کا فاصلہ آدھے گھنٹے میں طے کرنے کا عملی مظاہرہ کرکے ریکارڈ قائم کرچکا ہوں اور تین سائیکل ایک ساتھ چلانے کا بھی عملی مظاہرہ کرچکا ہوں۔
رپورٹ ۔ عبد الرحمن فریدی پریس رپورٹر
