اسلام آباد {پ ر }۔بانی و صدرنشین ادب سماج انسانیت فورم پاکستان شہزاد اُفق نے میڈیا سے گفتگو کرتے ہوئے کہا ہے کہ فورم کے زیرِ اہتمام ساتویں سالانہ تربیتی ورکشاپ و ایوارڈ تقریب 18 جون 2026ء بروز جمعرات اکادمی ادبیات پاکستان اسلام آباد میں منعقد ہوگی۔
انہوں نے بتایا کہ اس قومی سطح کی تقریب میں ملک بھر سے نامور ادباء، شعراء، دانشور، صحافی، اساتذہ، علماء کرام، سماجی کارکنان، سیاسی و سماجی شخصیات اور مختلف شعبہ ہائے زندگی سے تعلق رکھنے والے افراد شرکت کریں گے۔ تقریب کا مقصد ادب، سماجی شعور، انسانی اقدار، قومی یکجہتی اور نوجوان نسل کی مثبت فکری تربیت کو فروغ دینا ہے۔
*ادب سماج انسانیت فورم پاکستان کےپلیٹ فارم پر ملک بھر کی ممتاز شخصیات ایک چھت تلے جمع ہوں گی: شہزاداُفق
شہزاد اُفق نے کہا کہ ادب سماج انسانیت فورم پاکستان گزشتہ کئی برسوں سے ادبی، سماجی، ثقافتی اور فلاحی سرگرمیوں کے ذریعے معاشرے میں مثبت تبدیلی کے لیے کردار ادا کر رہا ہے۔ فورم کی گزشتہ چھ سالانہ تقریبات میں ملک بھر سے سینکڑوں اہلِ قلم، شعراء، ادباء، صحافیوں اور سماجی شخصیات نے شرکت کی، جبکہ مختلف شعبہ ہائے زندگی میں نمایاں خدمات انجام دینے والے افراد کو اعزازی ایوارڈز، اسناد اور شیلڈز سے بھی نوازا گیا۔
انہوں نے مزید کہا کہ ساتویں سالانہ تربیتی ورکشاپ میں نوجوان لکھاریوں، شعراء اور سماجی کارکنوں کی رہنمائی کے لیے خصوصی سیشنز منعقد کیے جائیں گے، جبکہ تقریب کے دوسرے مرحلے میں مختلف شعبوں میں نمایاں خدمات انجام دینے والی شخصیات کو ایوارڈز سے بھی نوازا جائے گا۔
شہزاد اُفق نے ملک بھر کے اہلِ قلم، میڈیا نمائندگان اور سماجی شخصیات سے تقریب میں بھرپور شرکت کی اپیل کرتے ہوئے کہا کہ ادب سماج انسانیت فورم پاکستان کا مشن علم، شعور، ادب، برداشت اور انسان دوستی کے فروغ کے ذریعے ایک بہتر معاشرے کی تشکیل ہے، اور یہ تقریب اسی سفر کی ایک اہم کڑی ثابت ہوگی۔
