دو کاروں میں تصادم ،فلاح انسانیت فاؤنڈیشن کے مرکزی رہنما قاری عطاالرحمن جاں بحق ، ،7افراد زخمی
لیہ(صبح پا کستان)دو کاروں میں تصادم ،فلاح انسانیت فاؤنڈیشن کے مرکزی رہنما جاں بحق ،7زخمی،2کو شدید حالت میں نشتر ہسپتال ملتان ریفر کر دیا گیا تفصیل کے مطابق گذشتہ روزلیہ لاہور روڈ ٹرکو اڈا کے قریب فلاح انسانیت فاؤنڈیشن پاکستان کے مرکزی رہنما قاری عطا الرحمن کی گاڑی جس میں ان کی ہمشیر گان و دیگر عزیز اقارب سوار تھے سامنے سے آنے والی کارکا ٹائر برسٹ ہونے کے سبب بے قابو ہو کر آپس میں ٹکرا گئیں جس کے نتیجہ میں قاری عطاالرحمن جاں بحق ہو گئے جبکہ ان کی گاڑی میں سوار ان کی ہمشیر گان طیبہ رحمن ،عابدہ رحمن کو شدید زخمی حالت میں نشتر ہسپتال ملتان ریفر کر دیا گیا اور دونوں گاڑیوں میں سوار دیگر مسافر محمد سلیمان عمر 26سال،،زاہد رفیق 33سال،زوہیب 12سال،زاہدہ 40سال،ناصرہ60سالہ شدید زخمی ہونے کی بنا پر ڈسٹرکٹ ہیڈ کوارٹر ہسپتال لیہ کے ایمرجنسی وارڈ میں زیر علاج ہیں ۔
رپورٹ ۔ عبد الرحمن فریدی پریس رپورٹر
