الیکشن کمیشن آف پاکستان کے زیر اہتمام ووٹ کی اہمیت اور اس کے اندراج کے بارے میں ایک مشاورتی تقریب

لیہ۔( صبح پاکستان )ڈسٹرکٹ الیکشن کمشنرآفس نزد واپڈا آفس لیہ میں الیکشن کمیشن آف پاکستان کی ہدایات کی روشنی میں ووٹ کی اہمیت اور اس کے اندراج کے بارے میں ایک مشاورتی تقریب منعقد ہوئی۔تقریب کا آغاز تلاوتِ قرآنِ پاک سے کیا گیا جس کی سر براہی ڈسٹرکٹ الیکشن کمشنر لیہ محمد خلیل نے کی۔ اس تقریب میں ووٹر ایجوکیشن کمیٹی کے ممبران فریدا للہ، ڈاکٹر کاوش تصور،مس نزہت یاسمین، محمد کامران اشرف، وسیم عالم، زین العابدین نمائندہ نادرا آفس ودیگر تھے۔اس تقریب کا مقصدشرکا ءکو ووٹ کی اہمیت اور اس کے اندراج سے اگاہ کرنا تھا۔ تقریب سے خطاب کرتے ہوئے ڈسٹرکٹ الیکشن کمشنر محمد خلیل نے کہاکہ وہ افراد جن کی عمر 18سال یا اس سے زائد ہو چکی ہیں وہ نادرا سے اپنا شناختی کارڈ حاصل کر کے اپنے ووٹ کے اندراج کو یقینی بنائیں ووٹ کے اندراج کے لئے الیکشن کمیشن بھر پور تعاون کرے گا الیکشن کمیشن کی 8300کی ایس ایم ایس کے ذریعے اپنے ووٹ کی معلومات چیک کر سکتے ہیں اور کسی بھی تبدیلی یا درستگی کی صورت میں الیکشن کمیشن کی ویب سائٹ ww.ecp.gov.pk w سے فارم نمبر 21برائے اندراج وووٹ کی تبدیلی ڈاو¿ن لوڈ یا ڈسٹرکٹ الیکشن کمشنر کے دفتر سے حاصل کر سکتے ہیں کسی بھی قسم کی رہنمائی کیلئے دفتر ضلعی الیکشن کمشنر سے دفتری اوقات میں رابطہ کر سکتے ہیںانہوں نے ووٹ ڈالنے کا طریقہ کار سے بھی آگاہ کیا تا کہ آئندہ آنے والے انتخابات میں کسی کا ووٹ ضائع نہ ہو۔اس موقع پر ووٹر ایجوکیشن کمیٹی کے ممبران نے اظہار خیال کرتے ہوئے کہاکہ جمہوریت کے عمل کو مضبوط بنانے کیلئے ووٹ کا استعمال ہر شہری کا جمہوری حق ہے اوریہ عمل ان کوایوانِ اقتدار تک رسائی دیتا ہے اور ووٹ ایک قوم کی امانت جس کے ذریعے وہ اپنے صحیح نمائندے منتخب کر سکتے ہیں معزورافراد، خواتین، طلبہ، خواجہ سرائ،اور نوجوان معاشرے کی بنیادی اکائی ہیں اور یہ طبقات بغیر کسی تفریق و تخصیص ووٹ کا بنیادی حق رکھتے ہیں۔ اس مشاورتی پروگرام میں شرکا نے الیکشن کمیشن کے اس ووٹر کی آگاہی پروگرام کے اہتمام کو سراہا ۔ آخر میں ڈسٹرکٹ الیکشن کمشنر نے تمام شرکاءکا شکریہ ادا کیا۔