لیہ (صبح پا کستان )ڈسٹرکٹ ہیڈ کوارٹر ہسپتال لیہ کے ایچ آر شکیل کھرل کے تبادلہ کا نوٹیفکیشن جاری ،لاہورآفس رپورٹ کرنے کا حکم ، نرسز کی طرف سے ہسپتال کے ایچ آر شکیل کھرل کے نا مناسب رویے کے خلاف اپنے مطا لبات کے حق میں وزیر اعلی ہاءو س کے سامنے احتجاج کئے جانے کے اعلان کے بعد ڈپٹی کمشنر لیہ نے دویژنل انکوائری کمیٹی کی رپورٹ کی روشنی میں ایچ آر شکیل کھرل کے تبادلے کا نوٹیفکیشن جاری کر دیا ، تفصیل کے مطا بق نرسز کی جا نب سے ایچ آر شکیل کھرل کے خلاف ڈیوٹی روسٹر کی آڑ میں اپنا ئے جانے والے غیر منا سب رویہ رشوت و ہراسمنٹ کے الزامات پر مبنی درخواستیں ڈپٹی کمشنر سمیت حکام بالا کو ارسال کی گئی تھیں نرسز شکایات و الزامات کا نوٹس لیتے ہو ئے کمشنر ڈیرہ غازیخان کی جانب سے قائم کی جانے والی ڈویژنل انکوائری کمیٹی نے تحقیقات کرتے ہو ئے ایچ آر شکیل کھرل کے خلاف نرسز کی طرف لگائے جانے والے الزامات و شکایات کو تسلیم کرتے ہو ئے درست قرار دیا ۔ ڈپٹی کمشنر لیہ نے ڈویژنل انکوائری کمیٹی کی رپورٹ کی روشنی میں ڈسٹرکٹ ہیڈ کوارٹر ہسپتال لیہ کے ایچ آر شکیل کھرل کے تبادلہ کا نوٹیفکیشن جاری کردیا ہے ۔
