لیہ( صبح پا کستان ) عید کے موقع پر شراب کی سپلائی کو روکنے کےلئے لیہ پولیس کا منشیات فروشوں کے خلاف بڑا ایکشن ،
تھانہ چوک اعظم اور تھانہ فتح پور پولیس نے شراب فروش ملزمان گرفتار کرکے شراب کی بھاری مقدار برآمد کر لی ،ایس ایچ او تھانہ فتح پور ندیم حیدر کی سربراہی میں سب انسپکٹر ریاض احمد و پولیس ٹیم نے کاروائی کرتے ہوئے شراب فروش ملزم اسد شاہ کو گرفتار کر لیا ،ملزم کے قبضہ سے 1800کپی ،200لیٹر اور 51بوتل شراب کی برآمد ہوئی جبکہ تھانہ چوک اعظم پولیس نے ایس ایچ او ذیشان سرور کی سربراہی میں کاروائی کرتے ہوئے ملزم کلب حسین کو گرفتار کر لیا ،سب انسپکٹر محمد ساجد نے پولیس ٹیم کے ہمراہ دوران نا کہ بندی گاڑی کی سرچنگ کرکے خفیہ خانوں سے 835کپی شراب کی برآمد کر لی،ملزم نے عید کے موقع پر بغر ض سپلائی اپنے قبضہ میں رکھی تھی ،ملزمان کے خلاف انسداد منشیات ایکٹ کے تحت مقدمات کا اندراج کر لیا گیا ،ڈی پی او لیہ اسدا لرحمن نے ایس ایچ او تھانہ فتح پور اور ایس ایچ او تھانہ چو ک اعظم اور ان کی پولیس ٹیم کو شاباش دی اور ان کے لئے نقدانعام او تعریفی سر ٹیفکیٹ کا اعلان کیا ۔
