لیہ( صبح پا کستان ) محکمہ سوشل ویلفیئر اینڈ بیت المال کے زیر اہتمام عالمی یوم تحفظ سفید چھڑی منایا گیا۔
اس سلسلہ میں ایک تقریب سوشل ویلفیئر کمپلیکس میں منعقد کی گئی۔ تقریب کے مہمان خصوصی چیئرمین ڈسٹرکٹ بیت المال کمیٹی خالد مسعود تھے۔ تقریب میں بینائی سے محروم 30 سے زائد شرکاء نے خصوصی شرکت کی۔ڈپٹی ڈائریکٹر ملک مشتاق حسین نے شرکاء کو خوش آمدید کہا سیمینار کا آغاز تلاوت کلام پاک سے ہوا۔ مدثر سلیم اورمحمد شہزاد نے ہدیہ نعت پیش کیا۔محمد رفیق، محمد اشرف، عطیہ نعیم اور محمد اسلم سہو نے سفید چھڑی کے عالمی دن کے حوالے سے اپنے خیالات کا اظہار کیا۔ تقریب کے اختتام پر بصارت سے محروم افراد میں سفید چھڑی، کیش پرائزز اور مٹھائی تقسیم کی گئی۔
