لیہ( صبح پا کستان ) ضلع لیہ میں عشرہ شان رحمت اللعالمین کی ایمان افروز تقریبات کا سلسلہ جاری ہے۔
ضلعی انتظامیہ کی جانب سے 8 ربیع الاوّل کو تحفظ ناموس رسالت ریلی کا اہتمام کیا گیا جس کی قیادت معاون خصوصی وزیر اعلیٰ پنجاب سید رفاقت علی گیلانی، صوبائی پارلیمانی سیکرٹری برائے مواصلات شہاب الدین خان سیہڑ نے کی۔ اس موقع پر ڈپٹی کمشنر اظفر ضیاء، ڈی پی او علی رضا، اے ڈی سی آر، اے ڈی سی جی، اے سی سٹی، مختلف تعلیمی اداروں اور سرکاری محکموں کے سربراہان، ضلعی صدر پی ٹی آئی بابر خان کھتران، انجمن تاجران، سیاسی، سماجی، مذہبی شخصیات، کارکنان، میڈیا نمائندگان اور شہریوں نے بڑی تعداد میں شرکت کی۔ تحفظ ناموس رسالت ریلی ختم نبوت چوک سے شروع ہو کر تھل چوک پر اختتام پذیر ہوئی۔ شرکاء نے نے سرکارِ دو جہاں صلی اللّٰہ علیہ وسلم کی شان پر مبنی پینا فلیکس اور کتبے اٹھا رکھے تھے جبکہ اصلواتہ و اسلام وعلیکہ سیدنا رسول اللہ کا ورد کرتے ہوئے اپنے قلوب اذہان کو منور کرتے رہے
