لیہ( صبح پا کستان )حضرت محمد صلی اللہ علیہ وسلم،اہل بیت اور صحابہ کرام رضوان اللہ علیہم اجمعین سے منسوب تبرکات لیہ پہنچ گئیں۔تبرکات کا قافلہ احمد رضا عطاری کی قیادت میں کراچی سے لیہ آیا۔
سینئر صحافی عبد الرحمن فریدی اور احسن باجوہ نے مہمانوں کو خوش آمدید کہا۔ تبرکات کو عوام کی زیارت کے لئے ڈسٹرکٹ پریس کلب لیہ میں رکھا گیا۔تبرکات میں موئے مبارک صلی اللہ علیہ وسلم، آپ صلی اللہ علیہ وسلم کا پسینہ مبارک بھی شامل تھا۔تبرکات میں اہل بیت، خلفائے راشدین سے منسوب اشیاء بھی شامل تھیں۔تبرکات میں غلاف کعبہ کا ایک حصہ بھی شامل تھا۔ڈسٹرکٹ پریس کلب لیہ میں 3 ہزار تبرکات رکھی گئی تھیں جن کی زیارت کے لئے سیکڑوں مردو خواتین امڈ آئے۔
